Nasrin Sotoudeh

El Vikipedio, la libera enciklopedio
Salti al navigilo Salti al serĉilo
Nasrin Sotoudeh
Nasrin Sotoudeh.jpg
Persona informo
Naskiĝo 3-an de aprilo 1963 (1963-04-03) (57-jara)
en Teherano
Lingvoj persa lingvo
Ŝtataneco Irano
Alma mater Shahid Beheshti University
Okupo
Okupo ĵurnalisto • eseisto • homrajta aktivulo • advokato
Information icon.svg
vdr

Nasrin Sotoudeh (perse: نسرین ستوده‎ ; * Teherano, la 3-an de aprilo 1963) estas irana advokatino kaj defendanto de homaj rajtoj.

Ŝi ankaŭ reprezentis virinojn arestitajn por aperi publike sen hiĵabo (perse:دختران خیابان انقلاب), kio estas puninda ofendo en Irano[1]. Sotoudeh ankaŭ defendis aktivistojn kaj opoziciajn membrojn malliberigitaj en 2009 rilate al la iranaj balotoj en junio de tiu jaro. Inter la akuzitoj, kiujn ŝi defendis, estis elstaraj disidentoj kiel la Nobel-premiito pri paco Shirin Ebadi kaj Heshmat Tabarzadi, estro de la malpermesita Demokratia Fronto de Irano. Ŝi ankaŭ defendis gejunulojn kiuj estis perfortitaj aŭ ricevis mortpunon eĉ sub la aĝo de 12 jaroj[2].

Ŝi estis arestita la 4-an de septembro 2010 pro konspiro kontraŭ nacia sekureco. Ŝia kondamno por 11 jaroj en malliberejo estis transformita al 6 jaroj. Krome, ŝi ne plu rajtis praktiki sian profesion kiel advokato dum 10 jaroj. En septembro 2013, ŝi neatendite estis liberigita kun dek aliaj politikaj malliberuloj[3]. Ŝi denove estis arestita en junio 2018 kaj en marto 2019 kondamnita al dek jaroj de malliberejo kaj vipobatoj[4] pro la plej grava krimo, nome incito al diboĉado, ĉar ŝi protektis plurajn virinojn arestitajn inter decembro 2017 kaj januaro 2018 pro ne plu vesti sin publike kun kaptuko por protesti kontraŭ la altrudita devigo al virinoj porti hiĝabon en publika spaco[5].

Premioj[redakti | redakti fonton]

2011: PEN/ Premio Barbara Goldsmith Freedom to Write

2012: kune kun Jafar Panahi la Saĥarov-premion de la Eŭropa Parlamento.

2018 Premio Kurt Tucholsky

2019: Premio Homaj Rajtoj de la Commission de Conseil des Barreaux européens (CCBE)

Eksteraj ligiloj[redakti | redakti fonton]

Oficiala retejo de Nasrin Sotoudeh

Nazanin Boniadi pri enkarcerigitaj aktivistinoj en Irano (Twitter-filmeto).

Noto kaj referencoj[redakti | redakti fonton]

  1. (en) "Nasrin Sotoudeh: Iranian human rights lawyer jailed for 38 years, say family" (Nasrin Sotoudeh: irana advokato pri homaj rajtoj enkarcerita por 38 jaroj, diras familio), BBC News. la 12-an de marto 2019.
  2. (en) Syma Sayyah, Nasrin Sotoudeh: The Ardent, Passionate and Dedicated Attorney at Law, Payvand, Iran News, la 29-an de majo 2007.
  3. (nl) Iran laat politieke gevangenen vrij (Irano liberigas politikajn malliberuloj), NOS Nieuws, la 18-an de septembro 2013
  4. (nl) Europese Unie wil herziening celstraf Iraanse mensenrechtenadvocaat (Eŭropa Unio volas revizion de la karcera puno por irana advokato pri homaj rajtoj), NU.nl, la 12-an de marto 2019
  5. (fr) Iran : dix ans de prison supplémentaires pour une célèbre militante des droits humains, franceinfo kun AFP, la 12-an de marto 2019, alirite la 21-an de februaro 2020.

Tiu ĉi artikolo estas parta aŭ tuta traduko de la samtitola artikolo en la nederlanda vikipedio, listo de aŭtoroj.