Nigra alaŭdo
 | ||||||||||||||
|---|---|---|---|---|---|---|---|---|---|---|---|---|---|---|
 Nigra alaŭdo
| ||||||||||||||
| Biologia klasado | ||||||||||||||
| ||||||||||||||
| Melanocorypha yeltoniensis (Forster, 1767) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Nigra alaŭdo, Melanocorypha yeltoniensis, estas specio de birdo de la familio da Alaŭdedoj, kiu reproduktiĝas en sudorienta Rusio kaj Kazaĥio. Ĝi estas parte migranta, kun birdoj el nordoriento de la reprodukta teritorio translokiĝantaj sudorienten vintre al Rusio kaj najbaraj landoj, tiom malproksime kiom ĝis la nordo de la marbordoj de la Nigra Maro en suda Ukrainio.
Temas pri birdo de malferma stepo, ofte ĉe akvo. Ĝi nestumas surgrunde, kie la ino demetas 4-5 ovojn. Manĝo estas semoj kaj insektoj, tiuj lastaj ĉefe dum la reprodukta sezono. Ili estas gregemaj vintre.
Temas pri granda, fortika alaŭdo, 18-20.5 cm longa. Kiel aliaj alaŭdoj de sia genro Melanocorypha estas stareca kaj kun rondoforma kapo, pli ol aliaj alaŭdoj. La masklo plenkreskulo estas nekonfuzebla, ĉar estas tute nigra kun nur kelkaj palaj plumobordoj dorse kaj en supraj partoj, kaj kun flaveca aŭ rozkolora beko pli malhela en pinto. La ino kaj la junulo estas nedistingeblaj kompare, ĉefe grizbrunaj supre kaj pli palaj sube, kiel aliaj alaŭdoj. La kruroj kaj subflugiloj estas nigraj.
La kanto estas kiel frenezeca versio de tiu de la kampalaŭdo.
Vaganteco[redakti | redakti fonton]
La Nigra alaŭdo estas tre rara vaganto for de sia reprodukta teritorio, kun informoj dum la pasado printempe kaj aŭtune, kaj ankaŭ vintre; sube estas kompleta listo de vidaĵoj en Eŭropo for de la reprodukta teritorio aŭ de la vintraj lokoj ĝis la momento de la artikolverko (2005):
- 1803 Italio Masklo ĉe Alessandria, Piemonto aŭtune
- 19a jarcento Aŭstrio Tri maskloj, unu mortpafita, ĉe Breitensee, Vieno, inter 1857 kaj 1874
- 1874 Germanio Ino ĉe Helgoland aprile
- 1892 Germanio Masklo ĉe Helgoland julie
- 1897 Moldavio Unu en marto
- 1900 Rumanio Unu en Dobroĝo en marto
- 1914 Turkio Unu en Küçükçekmece, Istanbulo oktobre
- 1929 Malta Unu en vintro
- 1930 Grekio Unu en Ateno printempe
- 1958 Grekio Unu masklo en Ateno aprile
- 1961 Italio Unu en Manfredonia, Apulio, maje
- 1963 Grekio Aro de 8 ĉe Lago Koronia februare
- 1964 Grekio Du ĉe la Delto Aksios februare
- 1981 Ĉeĥio Unu masklo en Zákupy novembre
- 1984 Britio (Anglio) Unu masklo en Spurn, Yorkshire aprile
- 1988 Pollando Unu en Kozienice januare
- 1989 Finnlando Unu masklo en Joensuu en marto
- 1989 Finnlando Unu masklo en Korppoo aprile
- 1993 Svedio Unu masklo en Karlstad maje
- 1995 Bulgario Ino ĉe Kabo Kaliakra maje
- 2003 Britio (Kimrio) Unu masklo en la rezervejo South Stack, Môn junie
Unu individuo estis vidata iam (antaŭ 2003) en Libano.
Referencoj[redakti | redakti fonton]
- BirdLife International (2006). Melanocorypha yeltoniensis. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 12a Majo 2006.