Nigra vidvino

El Vikipedio, la libera enciklopedio
Salti al navigilo Salti al serĉilo
Vikipedio:Kiel legi la taksonomionKiel legi la taksonomion
Nigra vidvino
Black widow ventral 1370.jpg
Biologia klasado
Regno: Animaloj Animalia
Filumo: Artropodoj Arthropoda
Klaso: Araneoidoj Arachnida
Ordo: Araneoj Araneae
Familio: Theridiidae
Genro: Latrodectus

L. mactans Fabricius, 1775
L. hesperus Chamberlin & Ivie, 1935
L. variolus Walckenaer, 1837

Aliaj Vikimediaj projektoj
Information icon.svg
vdr

Nigra vidvino estas specio de araneoj konata pro sia tre potenca veneno. La nomo kutime estas uzata por indiki tri speciojn de araneoj kiuj apartenas al la genro latrodectus kaj troviĝas en Norda Ameriko. Kelkfoje, oni ankaŭ uzas ĉi tiun nomon por indiki aliajn speciojn de araneoj de la sama genro, kiuj troviĝas en aliaj kontinentoj. Junaj inoj estas nigraj kun ruĝa makulo. La ruĝa makulo indikas al aliaj bestoj ke ili estas venenaj. Maturaj inaj nigraj vidvinoj povas atingi krur-etendon de 4 centimetroj. La viraj individuoj estas multe pli malgrandaj.

Ĉi tiuj araneoj havas tre potencan venenon, kiu estas multe pli potenca ol tiu de kobro. Ĉar ili estas tre malgrandaj, kiam ili mordas homon, ili fakte injektas nur tre malgrandan kvanton da veneno. Kutime, ilia mordo ne sufiĉas por mortigi sanan, plenkreskan homon. Tamen, estas kazoj de mortoj pro la mordo de ĉi tiuj araneoj. En Usono estis 63 registritaj kazoj inter 1950 kaj 1989. Bonŝance, nuntempe ekzistas antidoto por tia veneno. Antaŭ ol la kreado de la antidoto, oni kalkulas ke 5% de la mordoj de ĉi tiu araneo al homoj estis mortigaj.