Niihama

Niihama
urbo de Japanio ; urbego vd
Flago	Blazono
Administrado
Insulo	Ŝikokuo
Regiono	Ŝikokuo
Gubernio	gubernio Ehime
Poŝtkodo	792-8585
En TTT	Oficiala retejo [+]
Demografio
Loĝantaro	114 971 (2021) [+]
Loĝdenso	490 loĝ./km²
Geografio
Geografia situo	33° 58′ N, 133° 17′ O (mapo)33.960333333333133.28338888889Koordinatoj: 33° 58′ N, 133° 17′ O (mapo) [+]
Areo	234,46 km² (23 446 ha) [+]
Horzono	UTC+09:00 [+]
	Niihama (Japanio)
	Situo de Niihama
Alia projekto
	Vikimedia Komunejo Niihama, Ehime [+]
	v • d • r

Niihama, (japane 新居浜市) estas urbego kaj marhaveno en Japanio, en insulo kaj regiono Ŝikokuo, en la gubernio Ehime.

Demografio

En 2022 Niihama havis populacion de 115 824. En la 1950-aj jaroj la urbo atingis la internacian kvalifikon urbego (pli granda, ol cent mil). Ekde la 1990-aj jaroj la loĝantaro daŭre malpliiĝas.

Geografio

Niihama laŭ Setinterna maro, krome ĉirkaŭita de montoj, montetoj. Rivero distranĉas la urbegon. Malgranda insulo ankaŭ estas apartenaĵo de la urbego. Koĉi troviĝas 49, gubernia sidejo Macujama 53, Fukujama 58, Hiroŝimo 93, Tokuŝima 115, ĉefurbo Tokio 602 kilometrojn aere laŭ [1].

Historio

Loko de Niihama estis loĝita ekde la prahistoriaj tempoj. La kuprominejo estis malfermita en 1744. La vilaĝo Niihama estis establita la 15-an de decembro 1889 kun la kreado de la moderna municipa sistemo. Ĝi estis levita al urbostatuso la 1-an de januaro 1908. Najbara urbeto kaj vilaĝo estis aligitaj al Niihama en 1937, monta vilaĝo en 2003.

Ekonomio

Iam la kuprominejo estis unu el la plej produktiva en la mondo, sed nuntempe jam ne funkcias. La hodiaŭa ekonomio de Niihama estas apogita plejparte fare de fabrikoj kaj la havena trafiko.

Edukado

Niihama havas 17 publikajn bazlernejojn kaj 12 publikajn mezlernejojn funkciigitajn fare de la urbestraro, krome estas kvin publikaj mezlernejoj funkciigitaj de la gubernio. Nature la du altlernejoj estas la plej gravaj en la urbego.

Trafiko

Niihama havas fervojajn kaj ĉefvojajn trafikeblecojn kurantajn laŭ la marbordo. Al la montoj nur flankovojoj estas. La haveno produktas grandan trafikon.

Klimato

Niihama situas en humida subtropika klimato (Cfa) laŭ la klimata klasifiko de Köppen kun varmaj someroj kaj malvarmetaj vintroj. La meza jara temperaturo estas 13 °C. La jarpluvo averaĝas 1305 milimetrojn, en ĉiuj monatoj pluvas, respektive vintre ankaŭ ankaŭ neĝas.