Nils Brinkmann

El Vikipedio, la libera enciklopedio
Salti al navigilo Salti al serĉilo

Nils Brinkmann (naskiĝis la 6-an de julio 1967(nun 1967-07-06), do nun 52-jara) estas germana esperantisto kaj instruisto. En la 1980-aj kaj 1990-aj jaroj, li aktivis en Germana Esperanto-Junularo i.a. estrarano pri financoj kaj pri eksteraj rilatoj, kaj kiel kunorganizanto de multaj Internaciaj Seminarioj. Devene el la nordgermana insulo Sylt, li estis la filo de esperantista pastro en la insula loĝloko Westerland, kiu estis regione grava porparolanto de la ideo de internacia lingvo, kaŭzis ke en la 1960-aj kaj 1970-aj jaroj sur la insulo ekzistis tute vigla Esperanto-grupo, sed tragike mortis kiam Nils estis juna mezlernejano kaj antaŭ ol alia familiano vere esperantistiĝis. Nils post la patra morto kiel sola familiano meminiciate lernis la lingvon kiel juna gimnaziano, kaj daŭrigis la aktivadon kiel studento en la Libera Universitato de Berlino. Inter alie, li multajn jarojn kiel esperantista reprezentanto estis membro de nacia ĵurio kiu taksas taŭgecon de kinejaj filmoj kaj komputilaj ludoj por infanoj.