Nobeoka

Nobeoka
urbo de Japanio ; urbego vd
	Flago
Administrado
Poŝtkodo	882-8686
En TTT	Oficiala retejo [+]
Demografio
Loĝantaro	117 711 (2021) [+]
Loĝdenso	136 loĝ./km²
Geografio
Geografia situo	32° 35′ N, 131° 40′ O (mapo)32.582277777778131.66488888889Koordinatoj: 32° 35′ N, 131° 40′ O (mapo) [+]
Areo	867,97 km² (86 797 ha) [+]
Horzono	UTC+09:00 [+]
	Nobeoka (Gubernio Ehime)
	Situo de Nobeoka
	Nobeoka (Japanio)
	Situo de Nobeoka
Alia projekto
	Vikimedia Komunejo Nobeoka, Miyazaki [+]
	v • d • r

Nobeoka (japane 延岡市) estas urbego en Gubernio Mijazako, en samnomaj regiono kaj insulo Kiuŝuo en Japanio.

Demografio

En 2023 Nobeoka havis populacion de 113 367. En la 1930-aj jaroj la urbo atingis la internacian kvalifikon urbego (pli granda, ol cent mil). La loĝantaro kulminis en la 1980-aj jaroj, poste senhalte malpliiĝas.

Geografio

Nobeoka situas laŭ rivero inter montoj kaj marbordo. Gubernia sidejo Mijazako (urbo) troviĝas 79, Mijakonoĝo 114, Kagoŝima (urbo) 153, Fukuoka 162, Nagasako 170, ĉefurbo Tokio 819 kilometrojn aere laŭ [1].

Historio

Nobeoka estis nomita "Agata" dum 700 jaroj. Fortikaĵo konstruiĝis inter 1601 kaj 1603. Nobeoka estis establita la 1-an de majo 1889 kun la kreado de la moderna municipsistemo, poste ĝi estis levita al urbostatuso en 1933, samtempe la proksimaj urbetoj aliĝis al Nobeoka. Dum la 2-a mondmilito la urbo estis unu el la plej gravaj centroj de armeaj eksplodaĵoj en Japanio. Plurfoje en 1945 usonaj aviadiloj fajrobombis la areon detruante 36% de Nobeoka. Post la milito produktado de la eksplodaĵoj ĉesis. En 2006 kaj 2007 la urbego denove pligrandiĝis kun la najbareco.

Ekonomio

En 1923 en Nobeoka signifa fabriko ekfunkciis, poste la areo daŭre evoluis kun aliaj fabrikoj. Nuntempe la plej menciinda estas produktado de sintezaj kaj industriaj fibroj.

Eduko

En Nobeoka en privata medicina universitato okazas la plej altnivela edukado.

Trafiko

Nobeoka havas bonajn fervojajn kaj aŭtovojajn kontaktojn al la ceteraj komunumoj de Kiuŝuo. Gravas ankaŭ la haveno.

Klimato

Nobeoka situas en humida subtropika klimato (Cfa) laŭ la klimata klasifiko de Köppen. La meza jara temperaturo estas 17 °C kaj varias inter 12-22 °C. La jarpluvo averaĝas 2436 milimetrojn, en ĉiuj monatoj pluvas, sed inter decembro-februaro iomete malpli ofte pluvas, respektive neĝas. La neĝo ne akumuliĝas pro la mara varmiĝa efiko.

Bildoj pri Nobeoka