Norda Dakoto

El Vikipedio, la libera enciklopedio
Salti al navigilo Salti al serĉilo
Situo de Norda Dakoto en Usono.

Norda Dakoto (angle North Dakota; IFA: [nɔːɹθ dəˈkoʊtə]) estas usona ŝtato en norda Usono, ĉe la landlimo kun Kanado. Ĝi fariĝis la 39-a ŝtato de Usono je la 2-a de novembro 1889.

Norda Dakoto estas ĉefe agrikultura ŝtato kies naturaj resursoj, aparte petrola ekstraktado, ludas dum la 21-a jarcento grandan rolon en sia ekonomio.

Loĝantaro: 642,200 (en 2000)
Ĉefurbo: Bismarck
Aliaj grandaj urboj: Fargo, Bismarck kaj Grand Forks

Geografio[redakti | redakti fonton]

Norda Dakota lokiĝas en la norda parto de la Nordamerikaj Grandaj Ebenaĵoj. Laŭ ĝia orienta limo fluas la Ruĝa Rivero de la Nordo; la suda limo najbaras Sudan Dakoton, la okcidenta Montanon, kaj la norda Kanadon (precize la provincojn Saskaĉevanon kaj Manitobon). La ŝtato enhavas la geografian centron de la nordamerika kontinento, kiu lokiĝas en la malgranda urbo Rugby.

Topografie oni povas dividi la ŝtaton en du partojn: la orientan, kiu estas tre ebena; kaj la pli holmeman okcidentan parton. Gresaro kovras la plimulton de la ŝtato. La plej alta loko en Norda Dakoto estas durroka monteto nomita White Butte, kiu estas je 1069 metroj alta.

Klimato[redakti | redakti fonton]

Norda Dakoto havas kontinentan klimaton kun varmegaj, preskaŭ subtropikaj someroj kaj tre malvarmaj vintroj. La granda malsamo de temperaturo estiĝas ĉefe pro du kialoj: unue, pro granda distanco for de la oceano kaj aliaj akvejoj; kaj due, pro egala distanco inter la ekvatoro kaj la norda poluso.

Eksteraj ligiloj[redakti | redakti fonton]

TTT-ejo de Norda Dakoto en la angla: http://www.state.nd.us