Norma datumaro

El Vikipedio, la libera enciklopedio
Saltu al: navigado, serĉo

Norma datumaro (en la germana lingvo Normdatei, en pluraj aliaj lingvoj laŭvortaj tradukoj de la anglalingva termino authority control, kiu tamen en esperantlingva traduko "aŭtoritata kontrolo" estus tute miskomprenebla) estas listo de normigitaj vortoj por uzo kiel troviloj en dokumentado. Norma datumaro do estas formo de "kontrolita" vortaro, per kiu eblas reguligo de sistema trovo de dokumentitaj informoj.

Antaŭŝtupo de norma datumaro estas la libera atribuo de kategorioj aŭ de retaj etikedoj, kiu tamen obeas iujn regulojn, kiel uzo de aŭ singularopluralo, aŭ konkretan formon de vortaj kunmetaĵoj.

Ekzemploj[redakti | redakti fonton]

Ekzemploj pri normaj datumaroj estas la "normaj datumoj de la Kongresa Biblioteko", angle Library of Congress Authorities Files“ (LCNAF)[1] en anglalingvaj bibliotekoj, aŭ la en aprilo 2012 unuigita "Komuna Norma Datumaro", germane Gemeinsame Normdatei (GND) en Germanlingvio. En la projekto "Virtuala Internacia Norma Datumaro", angle Virtual International Authority File (VIAF) la germanlingva kaj aliaj normaj datumaroj interligiĝas al virtuala internacia norma datumaro.

Notoj[redakti | redakti fonton]

  1. La usona norma datumaro LCNAF uzas la strukturon de la "Kontrolnumeroj de la Kongresa Biblioteko", angle Library of Congress Control Numbers (LCCN).