Novsiberiaj Insuloj

El Vikipedio, la libera enciklopedio
Saltu al: navigado, serĉo
Novsiberiaj Insuloj
Satelita bildo de la Novsiberiaj Insuloj
Satelita bildo de la Novsiberiaj Insuloj
Akvejo Arkta oceano
Geografia situo 75° 16′ N, 145° 15′ O75.266666666667145.25Koordinatoj: 75° 16′ N, 145° 15′ O
Novsiberiaj Insuloj (Federacia distrikto Malproksima oriento)
DEC
Novsiberiaj Insuloj
Nombro de insuloj 13
Tuta areo 29 900 km²
Loĝantoj (neloĝata)
Mapo de la Novsiberiaj Insuloj
Mapo de la Novsiberiaj Insuloj
v  d  r
Information icon.svg
Situo de la Novsiberiaj Insuloj

La Novsiberiaj Insuloj, Nov-Siberiaj InsulojInsuloj de Nov-Siberio (ruse Новосибирские Oстрова, Novosibirskije Ostrova) estas insularo en la Ekstrema Nordo de Rusio, norde de la marbordo de Orienta Siberio: Pli precize ili lokiĝas inter la Lapteva Maro kaj la Orientsiberia Maro norde de la Saĥa Respubliko (Jakutio).

Geografio[redakti | redakti fonton]

La Novsiberiaj Insuloj en pli malvasta senco, aŭ Anĵuaj Insuloj (острова Анжу, jakute: Анжу арыылара), kovrante teran areon de ĉirkaŭ 29 000 kvadrataj kilometroj, konsistas el:

  • Kotelnij-Insulo (о. Котельный) de 11 700 kvadrataj kilometroj kaj
    • Faddejevskj-Insulo (о. Фаддеевский) de 5 300 kvadrataj kilometroj
    • Ambaŭ estas ligita per Bunge-Lando (земля Бунге) de 6 200 kvadrataj kilometroj (de tempo al tempo subakvigata). Tre proksime al la nordokcidenta marbordo de Bunge-Lando estas du insuletoj: Ĵeleznjakov-Insulo (Ostrov Ĵeleznjakova), ĝuste ĉe la nordokcidenta kabo kaj, oriente de ĝi, Matar-Insulo (Ostrov Matar). Ambaŭ insuletoj havas longecon de ĉirkaŭ 5 kilometroj.
  • Nanosnjj-Insulo (koordinatoj 76° 16′ 58,8″ norde, 140° 24′ 57,6″ oriente) estas malgranda insuleto situanta norde de la norda golfo formita de Kotelnij kaj Bunge. Ĝi estas C-forma kaj nur 4 kilometrojn longa, sed ĝia graveco kuŝas en la fakto ke ĝi estas la plej norda insulo de la novsiberia grupo.
  • Novaja Sibir (о. Новая Сибирь) de 6 200 kvadrataj kilometroj kaj
  • Belkovskij-Insulo (о. Бельковский) de 500 kvadrataj kilometroj.

Sude kaj pli proksime al la ĉeftero de Siberio kuŝas la Ljaĥovskij-Insuloj (6,095 kvadrataj kilometroj):

  • Bolŝoj-Ljaĥovskij-Insulo aŭ pli bone Granda Ljaĥovskij-Insulo (о. Большой Ляховский) de 4 600 kvadrataj kilometroj
  • Malj-Ljaĥovskij-Insulo aŭ pli bone Malgranda Ljaĥovskij-Insulo (о. Малый Ляховский) de 1 325 kvadrataj kilometroj
  • Stolbovoj-Insulo (о. Столбовой) de 170 kvadrataj kilometroj kaj
  • Semjonovskij-Insulo (о. Семёновский) de 0 kvadrataj kilometroj, ĉar nun sub la akvosurfaco.

La malgrandaj De-Longaj Insuloj (228 kvadrataj kilometroj) kuŝas nordoriente de Novaja Sibir. Ĉi tiuj insuletoj kutime ne konsideratas parto de la novsiberia grupo:

  • Jeannette-Insulo (о. Жаннетты)
  • Henrietta-Insulo (о. Генриетты)
  • Bennett-Insulo (о. Беннетта)
  • Vilkitskij-Insulo (о. Вилькицкого)
  • Ĵoĥov-Insulo (о. Жохова)

La novsiberiaj insuloj malaltas: ilia plej alta punkto estas monto Malakatjn-Tas sur Kotelnjj-Insulo kun alto de 374 metroj.

Vidu ankaŭ[redakti | redakti fonton]