Ny-Ålesund

El Vikipedio, la libera enciklopedio
Jump to navigation Jump to search
Monumento al Roald Amundsen kaj hotelo en Ny-Ålesund.

Koordinatoj: 78°55′30″N 11°55′20″E  /  78.925°N, 11.92222°O / 78.925; 11.92222 (Ny-Ålesund) Ny-Ålesund ("Nova Ålesund") estas esplora urbo en Oskarlando en la insulo Spicbergo en Svalbardo, Norvegio. Ĝi situas en la duoninsulo Brøgger (Brøggerhalvøya) kaj ĉe la bordo de la golfeto Kongsfjorden. La kompani-urbo estas posedaĵo kaj estas funkciigita de la ŝtata entrepreno Kings Bay, kiu havigas varojn por la permanentaj esplorinstitutoj el dek landoj. La urbo estas finfine posedo de la Ministerio de Komerco kaj Industrio kaj ne estas enmetita en municipolisto. Ny-Ålesund havas tutjaran permanentan loĝantaron de 30 al 35, sed la somera loĝantaro atingas 120. Ĝiaj instalaĵoj estas Flughaveno Ny-Ålesund, Hamnerabben, Svalbarda Raketejo, haveno kaj la Muzeo de la Urbo kaj Mino Ny-Ålesund, same kiel dek kvin permanentaj esplorostacioj. Ĝi estas la plej norda funkcianta civila setlejo en la mondo.

Eksteraj ligiloj[redakti | redakti fonton]