Opština Želino / Komuna e Zhelinës
| Komuna e Zhelinës · Општина Желино | |||
|---|---|---|---|
 | |||
| Komunumo de Nord-Makedonio | |||
|
|
| ||
| Flago | Blazono | ||
| Administrado | |||
| Statuso | komunumo | ||
| Lando |  Nord-Makedonio
| ||
| Regiono | regiono Polog | ||
| Poŝtkodo | 1226 | ||
| En TTT | Oficiala retejo [+] | ||
| Demografio | |||
| Loĝantaro | 18 988 (2021) [+] | ||
| Loĝdenso | 94 loĝ./km² | ||
| Geografio | |||
| Geografia situo | 41° 59′ N, 21° 4′ O (mapo)41.9921.07Koordinatoj: 41° 59′ N, 21° 4′ O (mapo) [+] | ||
| Alto | 755 m [+] | ||
| Areo | 201,04 km² (20 104 ha) [+] | ||
| |||
| |||
|
| |||
| Alia projekto | |||
 Vikimedia Komunejo Želino Municipality [+]
| |||
La Komunumo Želino (albane Komuna e Zhelinës, makedone Општина Желино, Opština Želino) estas unu el la 80 komunumoj de Norda Makedonio, preskaŭ komplete albanlingva (statistikan indikon vidu sube). Laŭ la censo de septembro 2021 en la komunumo loĝis entute 18 988 homoj[1][2] sur areo de 201,04 kvadrataj kilometroj, kio rezultigas loĝdenson de 94 loĝantoj/km². Administra centro de la komunumo estas la loĝloko Želino.
Loko, priskribo[redakti | redakti fonton]
La komunumo situas en la orienta parto de la regiono Polog. La nordokcidenta parto kuŝas en la malaltebenaĵo de la rivero Vardar, ĉirkaŭ 450 metrojn super marnivelo. Sude, la areo estas monta kaj la alteco atingas ĝis 1700 m. En la sudo, laŭ mallonga sekcio, fluas la rivero Treska. Ĉi tie, la alteco estas ĉirkaŭ 360 m. La digo Kozjak kun hidroelektra centralo estas konstruita sur la rivero.
Ĉe la norda rando ĝi transiras la ŝoseon A2 / E65. Ĝi ligas la ĉefurbon Skopje en la oriento kun Tetovo en la okcidento. La vilaĝo Zelino estas ĉirkaŭ 30 km de Skopje, sed de Tetovo nur 10 km.
La komunumo konsistas el entute 18 vilaĝoj (ĉiam unue estas la latinalfabeta albana nomo, poste la cirilalfabeta makedona kaj fine la serbokroate latinliterigita makedona nomo, krom se ĝi identas al la albana nomo):
- Zhelina / Желино (Želino)
- Cerova / Церово (Cerovo)
- Çifliku / Чифлик (Čiflik)
- Dobërca / Добарце (Dobrce)
- Grupçini / Групчин (Grupčin
- Kapazhdolli / Копачин Дол (Kopačin Dol)
- Llërca / Ларце (Larce)
- Leshnica e Epërme / Горна Лешница (Gornja Lešnica)
- Leshnica e Poshtme / Долна Лешница (Dolna Lešnica)
- Lukovica / Луковица
- Merova / Мерово (Merovo)
- Novosella / Ново Село (Novo Selo)
- Pallatica / Палатица (Palatica)
- Rogli / Рогле (Roglje)
- Sallareva / Седларево (Sedlarevo)
- Strimnica / Стримница
- Treboshi / Требош (Treboš) kaj
- Uzurmishti / Озормиште (Ozormište).
Laŭ la censo en 2002, en la komunumo je 99 % vivis albanoj, kaj je la censo de 2021, estis ankoraŭ 95,8 %.
Najbaraj municipoj estas:
Opština Jegunovce en la nordo, opština Saraj oriente, opština Sopište en la sudoriento, opština Makedonski Brod en la sudo, opština Brvenica la sudokcidento kaj opština Tetovo en la okcidento.
Referencoj[redakti | redakti fonton]
Eksteraj ligiloj[redakti | redakti fonton]
- Oficiala retejo (albane kaj makedone)
Noto[redakti | redakti fonton]
En tiu ĉi artikolo estas uzita traduko de teksto el la artikolo Општина Желино en la makedona Vikipedio.