Oranĝa Renkontiĝo

El Vikipedio, la libera enciklopedio
Saltu al: navigado, serĉo

Oranĝa Renkontiĝo okazis kelkfoje (en 2007 inter 21-a kaj 23-a de septembro). Ĝin aranĝis Sveda Esperantista Junulara Unuiĝo (SEJU) kaj Hernusanda Esperantista Klubo. La nomo Oranĝa Renkontiĝo devenas kaj de la emo de la organizantoj grapoligi homojn kaj de la oranĝkoloraj aŭtunaj foliarboj ĉirkaŭeje.

Ekde 2007 HEK kaj SEJU aranĝis la Oranĝan Renkontiĝon ĉiujare aŭtune ekster Hernusando. ORo estis la unua junularkunveno esperantista en Svedio ekde la 2003a IJK, kaj ĝi multe helpis revigligi la svedan junularan esperantistan movadon. Je 2007 partoprenis la ORon 15 junuloj de 5 eŭropaj landoj, kaj je 2009 la nombro altiĝis ĝis 26 homoj de 8 landoj. Ĝis nun, krokodilado preskaŭ forestis dum tiu ĉi renkontiĝo.

ORo iĝis konata kiel mojosa kaj iom eksperimentema internacia renkontiĝo por junuloj en bela naturo. La programo kutime miksas seriozajn prelegojn, muzikon, poezion, saŭnon, homfutbalon, bretajn ludojn k.t.p.. Laŭ la posta taksado la partoprenantoj estis tre kontentaj, speciale aprezantaj la belajn ejojn, la bonan etoson kaj la abundajn eblecojn muzikumi. Artistoj kiuj prezentis sin dum ORo estas i.a. La Perdita Generacio, Sara Török kaj Inicialoj dc. Kreiĝis tradicio kiu temas pri mondĉampionado en Bakio okazanta dum la ORo.

Eksteraj ligiloj[redakti | redakti fonton]