Orienta ruĝgorĝulo

Kiel legi la taksonomion Orienta ruĝgorĝulo
Orienta ruĝgorĝulo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Muŝkaptuledoj Muscicapidae Genro: Sheppardia Specio: Sh. gunningi'
Dunomo
Sheppardia gunningi (Haagner, 1909)
Konserva statuso
Konserva statuso: Preskaŭ minacata
Aliaj Vikimediaj projektoj

La Orienta ruĝgorĝulo, Orienta akalato aŭ Gunninga ruĝgorĝulo (Sheppardia gunningi) estas malgranda paserina birdo kiu povas troviĝi en orienta Afriko el Kenjo al Mozambiko, kaj estas nomata laŭ J. W. B. Gunning.

Temas pri birdo kun supraj partoj ĉu brunaj (krono, vangoj, ŝultroj, flugiloj kaj vosto, pli ruĝbruna en bordoj) ĉu blugrizecaj (traokula zono, ŝultrangulo kaj dorso). La subaj partoj estas tre kontraste oranĝaj.

Tiu specio estas loĝanta en arbaroj kaj insektomanĝanta birdo rilata al la grupo de malgrandaj saksikolenoj komune konataj kiel saksikoloj; kiel tiuj, ĝi estis iam lokata kun la turdoj (Turdedoj).

La Orienta ruĝgorĝulo estas minacata de habitatoperdo. Iĝinte iom pli komune ol antaŭe, ĝi estas nun listita el Vundebla al Preskaŭ Minacata (NT) en la IUCN Ruĝa Listo de 2007.

Referencoj

• BirdLife International. 2004, 20170, Sheppardia gunningi, konsultita la 11an de Majo 2006.
• BirdLife International (2007a): [ 2006-2007 Red List status changes Arkivigite je 2008-09-14 per la retarkivo Wayback Machine ]. Konsultita la 26an de aŭgusto 2007.
• BirdLife International (2007b): East Coast Akalat - BirdLife Species Factsheet Arkivigite je 2008-12-14 per la retarkivo Wayback Machine. Konsultita la 28an de aŭgusto 2007.