Oxnard

El Vikipedio, la libera enciklopedio
Salti al navigilo Salti al serĉilo

Oxnard estas grandurbo en Usono, en subŝtato Kalifornio, en Kantono Ventura. La urbego estas la plej popolriĉa en la kantono.

Situon de Oxnard en Kalifornio prezentas la ruĝa punkto

Bazaj informoj

Geografio

Haveno de Oxnard

Oxnard situas laŭ Pacifiko sur la marborda ebenaĵo en la sudokcidenta landparto de Usono, same en la sudokcidenta parto de la subŝtato. Los Anĝeleso troviĝas 35 mejlojn. La marbordo estas 32 kilometrojn longa.

Historio

Indianoj loĝis en tiu areo la plej frue. La unua eŭropano estis portugala esploristo Joao Rodriguez Cabrilho, kiu postulis la areon por Hispanio jam en 1542. Bienumado komenciĝis enradikiĝi inter la setlantoj, kiuj perdis sian regionan influon, kiam Kalifornio iĝis usona subŝtato en 1850. Alvenis usonanoj, kiuj kulturis hordeojn kaj fabojn. Henry T. Oxnard, kiu neniam loĝis ĉi tie, komencis kulturigi sukerbetojn kaj fondis fabrikon. En 1898 la stacidomo ekfunkciis, poste amase alvenis ĉinaj, japanaj kaj meksikaj laboristoj. Granda striko okazis en 1903. Dum la 2-a mondmilito armea bazo ekfunkciis en la haveno.

Ekonomio

Ekonomio de Oxnard konsistas el internacia komerco, agrikulturo, produktado kaj turismo. Du grandaj aktivaj naftotrovejoj funkcias ĉe la urbego. La agrikulturo produktas kukumojn, sukerbetojn, fabojn kaj fragojn.

Klimato

Oxnard situas en mediteranea (aŭ seka subtropika) klimatozono. La temperaturo averaĝe varias inter 11-21 °C. La varmo kulminas inter julio-oktobro averaĝe kun 23 °C, la malvarmo kulminas en decembro averaĝe kun 7 °C. Jare pluvas po 396 mm. La pluvo kulminas en februaro, julie malkulminas.

Trafiko

El Oxnard aŭtoŝoseoj kaj fervojaj linioj kuras al Los Anĝeleso kaj San Francisko. La urbego havas profundakvan havenon nomatan Hueneme, kie ankaŭ la Mararmeo konservas instalaĵojn. Komence fiŝkaptistaj havenoj funkcias. Oxnard ankaŭ havas malgrandan regionan flughavenon.

Vidindaĵoj

Muzeo Carnegie

Famuloj

En Oxnard mortis Lee Van Cleef.

Fontoj

  • Képes Világatlasz ISBN 963 8475 38 2
  • Tiu ĉi artikolo tradukiĝis helpe de WikiTrans, estis prenitaj nur tiuj frazpartoj, kiuj estis sencohavaj el anglalingva Vikipedio
Mapo pri Kalifornio, kie estas trovebla Oxnard laŭ la maro en la sudokcidenta parto de Kalifornio