-oz-

Sufiksoj en Esperanto
Tipo	Oficialaj	Neoficialaj
Verbaj	-ant-, -int-, -ont- -at-, -it-, -ot-	-unt-, -ut-
Seksaj	-in-	-iĉ-, -ip-
Aliaj	-aĉ-, -ad-, -aĵ-, -an-, -ar-, -ĉj-, -ebl-, -ec-, -eg-, -ej-, -em-, -end-, -er-, -estr-, -et-, -id-, -ig-, -iĝ-, -il-, -ind-, -ing-, -ism-, -ist-, -nj-, -obl-, -on-, -op-, -uj-, -ul-, -um-.	-ab-, -ac-, -al-, -ari-, -ator-, -e-, -ed-, -el-, -en-, -enz-, -esk-, -ez-, -i-, -if-, -ik-, -ilion-, -iliard-, -it-, -iv-, -iz-, -j-, -nomial-, -ofon-, -oid-, -ol-, -olog-, -ologi-, -ometr-, -otek-, -oz- -pj-, -t-, -tet-, -uk-.

Vorterklaso: sufikso
Statuso: neoficiala
Uzata en PIV: jes
Deveno: venis el la latina lingvo per la Esperantida lingvo Ido.
Similaĵoj en aliaj lingvoj: -reich [-rajĥ] (germana); -rik, -rich [-riĥ] (malnovĝermana); -osus, -osa, -osum (latina); -rik (norvega)
Signifo kaj uzado:
Indikas abundecon de la konsistiga elemento, kiel en "montetoza pejzaĝo" = "pejzaĝo riĉa je montetoj". La sufikso estas uzebla nur kun o-karakteraj radikoj.

La sufikso -oz- havas jenajn difinojn en Esperanto

1. sufikso uzata por formi nomon de malsano
   1. pri medicino
      • kaŭzata de difinita aganto: askaridozo, streptokokozo, ktp.
      • karakterizata de difinita patologia elemento: tuberkulozo, angiomozo, trombozo, ktp.
      • neinflama, de difinita organo: nefrozo, artrozo, ktp.
   2. pri botaniko
      • kaŭzata aŭ karakterizata de la ideo esprimita en la radiko: arĝentfoliozo, bakteriozo ktp.
2. sufikso uzata por formi nomojn de oksidoj kaj saloj de pli malsupera valento (precipe metalo, donanta du seriojn kaj de oksidoj kaj de saloj): feroza sulfato, kuproza sulfato, ktp
3. sufikso uzata por indiki la abundecon de konsistiga elemento: ŝtonoza, ktp.

Ekzemploj

karb'oz'a
montet'oz'a
muskol'oz'a
or'oz'a
por'oz'a
sabl'oz'a
suk'oz'a
ŝton'oz'a

Argumentoj por »-oz-«

-oz- estas foje malpli peza ol kunmetaĵo kun -plena aŭ -riĉa.

Alternativoj

-abunda
-dona
-hava
-plena
-riĉa

Vidu ankaŭ

• -eg-