Pano kun tomato
| Pano kun tomato | |||
|---|---|---|---|
 Tranĉaĵo de pano kun tomato.
| |||
| Aliaj nomoj | Pa amb tomàquet, Pa amb tomaca, Pa amb oli | ||
| Kie estas manĝata | Majorko, Valencilando, Katalunio | ||
| Ĉefaj ingrediencoj | Pano, tomato, olivoleo, ajlo kaj salo. | ||
| Metodo de preparado | Froti tomaton sur pano. | ||
| Origino | Katalunaj Landoj | ||
Pa amb tomàquet (laŭvorte "pano kun tomato" katalune: "Pa amb tomàquet", en Majorko oni nomas ĝin "Pa amb oli" aŭ "Pamboli" (pano kun oleo), Malte "Ħobż biż-Żejt (pano en oleo)) estas tradicia preparaĵo de la majorka, valencia kaj kataluna kuirartoj, kiu konsistas el pano -laŭvole tostita- kun tomato frotita sur ĝi kaj spicita per olivoleo kaj salo. Foje ajlo estas frotita sur la pano antaŭ ol froti per la tomato. En multaj katalunaj restoracioj, la tomata miksaĵo estas antaŭfarita kaj poste ŝmirita sur la pano.
La plado estas konsiderata la frontmontra plado de kataluna kuirarto kaj estas servata en multaj restoracioj anstataŭ regula pano. La pladon oni servas akompanita de iuj specoj de kolbasoj (peklitaj botifarres, xoriço, fuet, ktp.), ŝinko, fromaĝoj, anĉovoj aŭ alia marinita fiŝo, aŭ rostitaj legomoj kiel escalivada. Ofte la akompananto estas metita sur ĉiun tranĉaĵon de pano kun tomato, tiel ke oni ĉi tiun manĝas kovrita.
La originala pana bazo estas tradicie farita el tostitaj tranĉaĵoj de pa de pagès ("kamparana pano"), tradicia ronda peco de tritika pano de preciza grando (de ½ kg al 5 kg kaj de ĉirkaŭ 20 cm al 50 cm de diametro).
Se la miksaĵo ne estas antaŭfarita, ekzistas laŭdire ideala ordo pri kiel la ingrediencoj estu integritaj al la produkto por atingi la plej bonan guston. Unue, la ajlo estas frotita sur la pano. Tiam, la samo estas farita kun la tomato. Post ĉi tio venas la olivoleo, kaj fine la salo. La tradicia metodo por atingi bonan miksiĝon de ĉiuj gustoj sen antaŭfari la saŭcon, estas tranĉi la ekstremon de la panpecon kaj uzi ĝin por milde sed firme premi ĉiujn ingrediencojn kune.