Parc des Princes

El Vikipedio, la libera enciklopedio
Saltu al: navigado, serĉo
Parko de Princoj
Parc des Princes
Parc des Princes
loko Parizo, Francio
Flago-de-Francio.svg Francio
Geografia situo 48° 50′ 29″ N, 2° 15′ 11″ O48.8413888888892.2530555555556Koordinatoj: 48° 50′ 29″ N, 2° 15′ 11″ O
Parko de Princoj (Parizo)
DEC
Parko de Princoj
konstruadita 1890-aj jaroj (renovigoj en 1932, 1972, 2012-2016.)
malfermita la 18-an de julio 1897 kiel velodromo, ekde 1899 ankaŭ futbala stadiono
posedanto klubo Paris Saint-Germain
surfaco herbo
kosto 90 milionoj da francaj frankoj (renovigo de 1972)
kapacito 49 691 (en internaciaj futbalmatĉoj 48 583)
dimensioj 105 x 68 m
v  d  r
Information icon.svg

La Parko de Princoj, aŭ franclingve Parc des Princes, estas renoma kaj tradicia stadiono en la urbo Parizo de Francio: laŭ la stato de somero 2016 ĝi principe povas gastigi 49 000 spektantojn dum futbalaj aŭ rugbeaj maĉoj, sed en internaciaj futbalmatĉoj antaŭvidiĝas maksimume 44 283 spektantoj. La stadiono estis inaŭgurita je la 18-a de julio 1897 kiel velodromo, ekde 1899 ankaŭ uziĝis kiel futbala stadiono, kaj nun estas posedata fare de la futbala klubo Paris Saint-Germain.

En 1900 la monda ĉampionado de biciklado okazis en la stadiono, kaj inter la jaroj 1903 kaj 1967 la renoma bicikla konkuro Tour de France solene finiĝis en la stadiona velodromo. En 1967 la velodromo tamen forpreniĝis, la stadiono ĝis la jaro 1972 trakonstruiĝis al moderna futbala stadiono kaj ekde tiam nur havas tiun funkcion. Krome ankaŭ en 1932, 2012, 2013–2014 kaj 2015–2016 okazis signifaj trakonstruoj. De 1905 ĝis 1997 kaj en 2007 la stadiono estis la hejma stadiono de la vira franca nacia teamo de futbalo, estis eventejo inter alie de la Futbala Mondpokalo 1938, de la Eŭropa Futbal-Ĉampionado 1960, de la Eŭropa Futbal-Ĉampionado 1984 kaj de la Futbala Mondpokalo 1998. Ĝis la konstruo de la Stadiono de Francio de Saint-Denis en 1998 la stadiono Parko de Princoj havis la titolon de "nacia stadiono".

Krom futbalo, la stadiono kapablas enteni aliajn sportajn konkuradojn kaj okazigas koncertojn kaj grandajn spektaklojn. Ĝi inter alie estas unu el dek eventejoj de la Eŭropa Futbal-Ĉampionado 2016.

Eksteraj ligiloj[redakti | redakti fonton]