Parolado
Parolado estas longedaŭra parolo antaŭ publiko, ĝenerale pri specifa temo, farata de spertulo aŭ grava homo en formala okazaĵo.
Tipoj de parolado
Parolado povas esti:
- Diskurso: ordigita, iom longa parolado celanta konvinki;
- Lekcio: leciono en formo de scienc-instrua parolado en universitato aŭ alia samranga instituto;
- Oracio: literatura verko, destinita por esti dirata antaŭ publiko, ofte dum funebro;
- Oratoraĵo: literatura verko, destinita por esti dirata antaŭ publiko, ofte antaŭ asembleo;
- Prelego: Parolado forme simila al lekcio, kiu tamen povas esti adresita al pli vasta aŭ malpli konstanta publiko;
Proverbo
Ekzistas proverboj pri parol(ad)o en la Proverbaro Esperanta de L. L. Zamenhof, inter ili[1]:
„ Granda parolisto estas duba faristo. ” „ Parolanto semas, aŭdanto rikoltas. ”
