Partenito

El Vikipedio, la libera enciklopedio
Saltu al: navigado, serĉo
Urbotipa loĝloko en Aŭtonoma Respubliko Krimeo
Partenito
ruse Партенит
ukraine Партеніт
krime-tatare Partenit
Flag of Partenit (Crimea).png Partenit kr s.png
Apartenas al: Aluŝta municipo, Partenita komunumo
Koordinatoj: 44° 35′ N, 34° 20′ O44.57638888888934.339722222222Koordinatoj: 44° 35′ N, 34° 20′ O
Averaĝa alto super la marnivelo: ~50 m
Loĝantaro: 6 391 (laŭ 2001)
Poŝtkodoj: 98542—98544
Telefonkodo: +380-6560
Hor-zono: UTC+3
Antaŭa nomo: Frunzenskoje (1945-1991)

Oficiala paĝaro nekonata

Partenito (Krimeo)
DMS
Partenito
Partenito
Situo de Partenito sur la mapo de Krimeo
Partenito (Aluŝta municipo)
DMS
Partenito
Partenito
Situo de Partenito sur la mapo de la Aluŝta municipo (la Partenita komunumo estas prezentita per aparta koloro)
v  d  r
Information icon.svg

Partenito (ruse Партенит, ukraine Партеніт, krime-tatare Partenit) estas urbotipa loĝloko de la Aluŝta municipo de Aŭtonoma Respubliko Krimeo (Ukrainio). La loĝloko situas sur la Suda Bordo de Krimeo ĉe la Nigra Maro ĉe la monto Ajudago kaj estas populara ripoz- kaj kurac-loko.

La kuraca zono de Partenito (sanatorio "Krim" kaj ĝia parko), vidataj de sur la maro; maldekstre videblas la monto Ajudago

Historio[redakti | redakti fonton]

La nomo de la loĝloko venas de la helena vorto παρθενος ("virgulino"). Laŭ la legendo, en la antikveco ĉi tie ekzistis templo de la Virgulino (la ĉefa diino de taŭridanoj - la aborigenoj de Krimeo). Mezepoke tiu nomo estis reakceptita kiel rilata al Sankta Maria.

Mezepoke Partenito estis negranda loĝloko, kiu diverstempe apartenis al diversaj kolonioj kaj sendependaj ŝtatoj de Krimeo. La loĝloko famiĝis en la 8a jarcento dank' al la agado de Sankta Johano, episkopo de Gotujo; la loĝloko estas menciata en multaj verkoj, dediĉitaj al la historio de kristanismo kaj Bizanca Imperio.

Ekde la jaro 1783 la loĝloko apartenas al Rusujo.

Dum la sovetiaj tempoj la loĝloko malrapide evoluis kiel kurac-loko. En la jaro 1945 ĝi estis alinomita Frunzenskoje (omaĝe al sovetia militestro Frunze), tamen en la jaro 1991 ĝi rericevis la antaŭan nomon. En la jaro 1963 Partenito ricevis la statuson de urbotipa loĝloko.

Post la Dua Mondmilito Partenito iĝas fama soveti-armea kurac-loko; la ĉefaj entreprenoj de la loĝloko estis tri grandaj sanatorioj por sovetiaj militistoj. Post disfalo de Sovetunio la kuraca industrio iom ŝrumpis, sed lastatempe la loĝloko iĝas ĉiam pli populara ripozejo.

Ekonomio kaj socia sfero[redakti | redakti fonton]

La bazo de la ekonomio estas kurac- kaj ripoz-industrio. Krome, ĉirkaŭ la loĝloko multas vitejoj. En Partenito troviĝas ankaŭ eksperimentejo de la Nikita Botanika Ĝardeno.

En la loĝloko estas unu mezlernejo, polikliniko, muzik-lernejo, kinejoj, bibliotekoj. En la loĝloko troviĝas 3 grandaj sanatorioj, ĉiu el kiuj estas ĉirkaŭita de belega parko (unu el ili havas malgrandan zoon).

Transporto[redakti | redakti fonton]

Per la busa trafiko la loĝloko estas ligita al Jalto kaj Aluŝto. Du kilometrojn super la loĝloko pasas la aŭtovojo Jalto-Simferopolo kun la trolebusa trafiko. Somere oni povas uzi ankaŭ ŝipetojn.

Vidindaĵoj[redakti | redakti fonton]

Partenito ne estas aparte interesa loĝloko. Oni povas mencii nur ĝiajn parkojn kaj la monton Ajudago, kiu estas natura vidindaĵo, troviĝanta tre proksime al la loĝloko.

Eksteraj ligiloj[redakti | redakti fonton]


FLA Alushta.svg

La loĝlokoj de la Aluŝta municipo

Urboj Aluŝto
Urbotipaj loĝlokoj Partenito
Vilaĝoj: GeneralskojeIzobilnojeKiparisnojeLavrovojeLuĉistojeMalomajakoMaloreĉenskojeNiĵneje ZaprudnojeNiĵnjaja KutuzovkaPrivetnojePuŝkinoRibaĉjeSolneĉnogorskojeVerĥnaja KutuzovkaZaprudnojeZelenogorje
Loĝloketoj BondarenkovoĈajkaLavandaLazurnojeRozovijSemidvorjeUtjosVinogradnij