Pasvorto

El Vikipedio, la libera enciklopedio
Saltu al: navigado, serĉo

Pasvorto estas sekreta signoĉeno kiun la uzanto (homo aŭ programo) devas prezenti por ricevi la rajton aliri komputilan risurcon. Foje la termino ankaŭ estas uzata en pli ĝenerala senco, ekzemple en la rakonto de Ali Baba kaj la 40 ŝtelistoj por malfermi eniron al kavo per la vortoj "Sesamo malfermiĝu".

Pasvorto plej ofte estas ligita al uzantonomo, kiu identigas kiu aŭ kio volas havi aliron al certa loko aŭ informero. Uzantonomo estas publika kaj pasvorto sekreta.

Enigi uzantonomon kaj pasvorton oni kutime nomas '(en)saluti'; forlasi sesion 'adiaŭi' aŭ 'elsaluti'.

Sekureco de pasvorto[redakti | redakti fonton]

Malbonintenca kodumulo povas kaŝe ekhavi aliron al sekretaj informoj se li aŭ ŝi ekscias pasvorton. Tial pasvorto en profesia medio estas ofte komplika kaj regule ŝanĝita. Averaĝa komputilo povas trovi pasvorton de 5 signoj ene de kelkaj horoj. Pasvorton de 6 signoj retrovi daŭras kutime kelkajn tagojn. Por esti pli certa, ofte pasvorta signoĉeno konsistas el kombino de 1) teksto kaj ciferoj kaj 2) minusklaj kaj majusklaj literoj, kaj 3) aliajn simboloj.