Pat Robertson

Pat Robertson
Nobel-premiito
Persona informo
Naskiĝo	22-an de marto 1930 (1930-03-22) (93-jara) en Lexington,  Usono
Lingvoj	angla
Ŝtataneco	Usono
Alma mater	Yale Law School • Universitato Vaŝingtono kaj Lee • The McCallie School • Nov-Jorka Teologia Seminario
Familio
Patro	Absalom Willis Robertson
Patrino	Gladys Churchill Willis
Infano	Gordon P. Robertson
Okupo
Okupo	oficiro • entreprenisto • politikisto • pastro • televangelist • verkisto • prezentisto
TTT
Retejo	http://www.patrobertson.com/

Marion Gordon ROBERTSON, ĝenerale konata kiel Pat Robertson (naskiĝis la 22-an de marto 1930) estas usona kristana televida evangelizisto, entreprenisto, kaj dekstrema politika aktivulo.

Li fondis multajn organizaĵojn kaj korporaciojn, inkluzive de "American Center for Law and Justice" (Usona Centro por Juro kaj Justico), "Christian Broadcasting Network" (CBN - Kristana Dissenda Reto), "Christian Coalition" (Kristana Koalicio), "Flying Hospital" (Fluganta Malsanulejo), "International Family Entertainment" (Internacia Familia Distrado), "Operation Blessing International Relief and Development Corporation" (Operacio 'Beno': Internacia Helpa kaj Disvolviga Korporacio), kaj Universitato Regent.

Li gastigas en la televida programero The 700 Club (Klubo 700), kiun li fondis, kaj kiu spekteblas en multaj landoj. Li estas ordinita pastoro de la Suda Baptistaro, kvankam lia teologio estas pli pentekostisma ol baptisma.

En 1988 li estis kandidato por la prezidenta nomumo de la usona Respublikana Partio, sed li ne sukcesis allogi la centron de tiu partio, kaj malvenkis en la konkurenco kun la unua prezidento Bush. Li ofte eldiras diraĵojn tiel vortumitajn, ke ili faras lin centro de disputado kaj polemikoj.

La 22-an de aŭgusto 2005 dum sia televidaĵo, li rekomendis "asasini" (mortigi) la prezidenton de Venezuelo, Hugo Chávez. Pro la internacia kaj enlanda protestoj, li aliklarigis siajn vortojn. Oni diras, se li estus islamano, oni jure akuzus lin je terorisma rankoro.