Patrick Maynard Stuart Blackett

El Vikipedio, la libera enciklopedio
Saltu al: navigado, serĉo
Patrick Maynard Stuart Blackett

Patrick M(aynard) S(tuart) BLACKETT, barono de Chelsea (18-an de novembro 1897, Londono – 13-an de julio 1974, Londono) estis angla fizikisto, kiu ricevis Nobel-premion pri fiziko en 1948 pro malkovroj rilate al kosma radiado. Liaj fotaĵoj en la nebulkamero montris, kiel disiĝas stabila atomkerno, se oni bombardas ĝin per alfa-korpuskloj (heliumaj atomkernoj). Oni jam spektis tiajn atomkernan disiĝon jam pli frue, sed nur datenoj de Blackett servis per klarigoj pri la afero.

Blackett finstudis en la Kembriĝa Universitato en 1921, poste laboris dum 10 jaroj en la laboratorio Cavendish. Li tie komencis evoluigon de la Wilson-a nebula kamero al aŭtomata aparato por observado de la kosma radiado. Li ricevis la Nobel-premion pri fiziko pro analizo de datenoj akiritaj per tiu aparato.

Li iĝis en 1933 fizika profesoro de la Londona Universitato, en 1937 en Universitato Manchester. Li havis gvidan rolon en esploro de la kosma radiado, li helpis establon de la radioastronomia katedro de la Universitato Manchester, konstruon de la Radioastroonomia Esplora Stacio Jodrell Bank.

Blacket iĝis en 1953 profesoro, estro de la fizika katedro de la londona Imperial College of Science and Technology. Li agadis tie kiel esploristo, ekde 1965.

La pajrotitolon li ricevis en 1969.