Kvarciklo

El Vikipedio, la libera enciklopedio
(Alidirektita el Pedalaŭto)
historia kvarciklo de 1885

Kvarciklopedalaŭto estas homa sen-motora, sur-grunda veturilo de kvar radoj. La nomo "kvarciklo" (="kvar-rada ilo") estas evidenta variaĵo de la vorto "biciklo" (="du-rada ilo") kaj kutimiĝis nur post vasta konatiĝo de la bicikloj, sed la unuaj "pedalaŭtoj" evoluis sendepende kaj paralele al la evoluo de la unuaj bicikloj.

Homforte movataj kvarcikloj estis uzata ekde la jaro 1853 kaj kreskis ĝis kelkaj familioj de veturiloj por diversaj celoj, inkluzive de luoj al turistoj, pedalaj taksioj, privata turismo, en-montara moviĝo kaj industria uzo.

knabo sur pedalaŭto, unua duono de la 20-a jarcento
moderna por-ekskursa kvarciklo, de 2007

La hispana kineja filmo El coche de pedales de 2004, en kiu Esperanto estas temigata, montras, kiom forte en multaj jardekoj (en la filmo temas pri la jaro 1959) infanoj revis pri multekostegaj pedalaŭtoj, kiujn la familioj apenaŭ povis finance permesi al si.