Peine estas urba komunumo en Germanio. Ĝi troviĝas en la distrikto Peine de la federacia landoMalsupra Saksio kaj estas la administra centro de la distrikto. Fine de decembro 2022 la komunumo havis 51 411 loĝantojn.
En Peine pasigis sian infanecon kaj la komenciĝon de la Holokaŭsto la juda verkisto Solomon Perel, kiu poste laŭ aventura vojo kiel 13-jarulo kun la familio fuĝis al Pollando, sen familio plu al Sovetunio, kaptiĝis fare de naziaj soldatoj, sed povis kaŝi sian judecon, adoptiĝis fare de seninfana nazia oficiro kaj estis sendita al nazia internulejo de la Hitler-Junularo, kie li kaŝite inter la malamikoj sukcesis pretervivi la militon. Postmilite li povis elmigri al Israelo, sed tie ofte atakiĝis ke li devintus malkaŝi sian judecon kaj anonci sin por murdiĝo, anstataŭ pretervivi. La vivhistorio rakontiĝis en impresa romano Hitlerjunge Salomon kaj en samnoma kineja filmo, kaj forte tuŝis multajn germanajn gejunulojn fine de la 20-a jarcento. Pro la detalaj priskriboj en la romano, la nazia epoko en la urbo iĝis literature bone dokumentita kaj donis al ĝi misfaman renomon, kio ankaŭ ne plaĉis al ĉiuj urbaj funkciuloj.
Heywood ĉe Rochdale en Pligranda Manĉestro, Britio
Aschersleben en Saksio-Anhalto, Germanio
Tripolo en Grekio
