Perros-Guirec

Perros-Guirec / Perroz-Gireg
	Blazono
Administrado
Statuso	Urbo
Lando	Francio
Regiono	Bretonio
Departemento	Côtes-d'Armor
Arondismento	Lannion
Kantono	Perros-Guirec
INSEE kodo	22168 [+]
Poŝtkodo	22700
Kodo laŭ INSEE	22168
En TTT	Oficiala retejo [+]
Demografio
Loĝantaro	7 089 (2019) [+]
Loĝdenso	ĉ. 538 loĝ./km²
Geografio
Geografia situo	48° 49′ N, 3° 27′ U (mapo)48.813333333333-3.4433333333333Koordinatoj: 48° 49′ N, 3° 27′ U (mapo)
Alto	De 0 al 60 m
Areo	1 416
Horzono	UTC +1 (+2 somere)
	Situo de Perros-Guirec / Perroz-Gireg
Alia projekto
	Vikimedia Komunejo Perros-Guirec [+]
	v • d • r

Perros-Guirec (Perroz-Gireg en la bretona lingvo), en esperanto Perosgireko^[1], estas municipo, la ĉefurbo de kantono de la departemento "Côtes-d'Armor" [kot darmor] (jen france, bretone Aodoù-an-Arvor), “marbordoj de la lando ĉe la maro”, en la regiono Bretonio (france Bretagne, bretone Breizh), de Francio. Fine de 2019 en la komunumo vivis 7 089 loĝantoj.

La franca vorto por la municipanoj estas "Perrosiens".

La urbo havas du emblemojn:

la fraterkulo, eta mara birdo kun kolorita beko, kies pli granda kolonio en Francio troviĝas sur la Sep Insuloj
la floro hortensio, kiu multas en la urbo kaj en la unuopulaj ĝardenoj

Geografio[redakti | redakti fonton]

La municipo inkluzivas la urbon Perros-Guirec kaj la urbetojn Ploumanac'h kaj la Clarté. La ĉefa ekonomia ago estas turismo, aparte pli dum la somero, kiam kreskas ne nur la loĝantaro sed ankaŭ la aktivaĵoj sportaj, kulturaj kaj ekonomiaj.

La Pado de Doganistoj [fr: le Sentier des Douaniers] laŭas la marbordon kaj, sur la protektita areo de Ploumanac'h, la promenadejo ĵetkovrita de ŝtonegoj strangformaj el rozkolora granito.

La urbo havas du grandajn plaĝojn. Tiu de Trestraou estas sunkapta, kaj tie troviĝas la kazino kaj la kongresdomo (kie ofte okazas ekspozicioj), kune kun la forirejo por viziti la Sep Insulojn kaj ties koloniojn de laroj kaj suloj. La plaĝo de Trestrignel estas pli ofte batata de la vento. Iom sovaĝa, tamen ĉarma, ĝi estas interkruta, kun unuflanke la pinto de la kastelo, t.e. ŝtona kabo de kie oni povas ĝui vidaĵon sur la Insulo Tome [fr: l'île Tomé] (kiu ne estas unu el la Sep Insuloj).

La urba haveno bonvenas egale fiŝkaptistojn kaj plezurŝipistojn. Artefarita ĉirkaŭbarejo uziĝas kiel aktivaĵejo (lerneja aŭ turista, laŭ la sezono).