Peter Kravchenko
| Peter Kravchenko | |
|---|---|
| |
| Persona informo | |
| Naskiĝo | 21-an de junio 1921 en Kievo |
| Morto | 27-an de novembro 2009 (88-jaraĝa) en Sidnejo |
| Alma mater | Shevchenko State Art School |
| Okupo | |
| Okupo | pentristo |
Peter KRAVCHENKO, (naskonome Petro Mitrofanoviĉ Kravĉenko, ukraine Петро Митрофанович Кравченко) (naskiĝis la 21-an de junio 1921 en Kievo, mortis la 27-an de novembro 2009 en Sidnejo, Aŭstralio) estis ukraina artisto kaj socia aktivulo, kiu vivis en Aŭstralio.
Biografio[redakti | redakti fonton]
Petro Kravĉenko naskiĝis la 21-an de junio 1921 en Podil, Kievo, en laborema familio. La patro, Mitrofan Hrihoroviĉ, havis malgrandan glaciaĵfabrikon en la somera sezono, kaj ekde la aŭtuno li okupiĝis pri vitrofarado. En 1940 li diplomiĝis ĉe Kieva Ŝtata Arta Mezlernejo Taras Ŝevĉenko. Dum la milito li estis germana kaptito. Post la Dua Mondmilito li restis en Germanio, kie li laboris kiel scenografisto. En 1949 li venis al Aŭstralio kaj ekloĝis en Sidnejo. Post la fino de la ŝtata laborkontrakto ĉe la brika fabriko li laboris en la fervojo. Dum tiu laboro li daŭrigis sian profesian edukon, studentiĝis ĉe la Instituto de Komerca Arto kaj la Lernejo de Televida Trejnado.[1]
Li iĝis engaĝita en ukraina socia kaj kultura vivo, dezajnis scenojn por prezentoj kaj koncertoj. Li dezajnis grandan nombron da artaj programoj por diversaj naciaj premioj kaj koncertoj, same kiel por diplomo de "Australian Federation of Ukrainian Organisations" kaj "Foundation for Ukrainian Studies in Australia" (FUSA), kaj faris ilustraĵojn por libroj.
Li laboris en la Ŝtata Televidstudio (ABC-TV) "dezajnisto de rekvizitoj" en la kostuma fako dum 20 jaroj.[2]
En 1967 li estis unu el la fondintoj de la "Ukrainian Artists Society of Australia" (SUOMA), portempa sekretario de 1967 ĝis 2007. En 1975 li estis unu el la fondintoj de FUSA en Aŭstralio kaj permanenta membro. En 1991-1998 li apartenis al la Direkcio de tiu ĉi institucio.
Arto[redakti | redakti fonton]
Li ekspoziciis siajn pentraĵojn ĉe SUOMA en Lidcombe, Wollongong, Sidnejo, Adelajdo, Melburno. En 1992, persona ekspozicio estis okazigita en Sidnejo, montrante 65 verkojn. En la sama jaro li estis ekspozicianto kun siaj tri verkoj ("Pri Ivan Kupala", "Perejaslava Konsilio", "Princino Olga") ĉe la ekspozicio "Unueco" en Kievo. Unu verko "Miaj Pensoj" (portreto de Taras Ŝevĉenko) estis donacita kaj ekspoziciita en Nacia Muzeo Taras Ŝevĉenko. En 1994 li estis akceptita kiel honora membro de la Nacia Unio de Artistoj de Ukrainio, kaj en 1997 estis organizita persona ekspozicio "La ŝarĝo de Ukrainio tra la epokoj" en Muzeo de Historio de Kievo dediĉita al la 2-a Monda Forumo de Ukrainoj.[3][4] en 1999 estis publikigita la unua albumo de la artisto "La ŝarĝo de Ukrainio tra la epokoj", kiu prezentas 65 specimenojn de ukrainaj kostumoj (vestoj) portitaj de la ukraina popolo.[5][6]
Sociaj agadoj[redakti | redakti fonton]
Kravĉenko estis honora membro de la Internacia Karitata Fondaĵo "Духовна спадщина" (Spirita Heredaĵo) (Kevo), akreditita korespondanto de la gazeto "Вільна думка" (Libera penso). Li ricevis diplomojn kaj medalojn de "Australian Federation of Ukrainian Organisations" (SUOA), Unio por Liberigo de Ukrainio, oran medalon "Por Patronado" de la Internacia Bonfara Fondaĵo "Ukraina Domo" (Kievo), Internacia Bonfara Fondaĵo "Spirita Heredaĵo" kaj Atestilojn de Merito de "Ukrainian Orthodox Church of the USA" en Aŭstralio, Ukraina Komunumo Sidnejo.[4]
En 1996 li organizis ekspozicion en Kievo dediĉitan al la 150-a datreveno de Nikolaj Mikluĥo-Maklaj kaj iniciatis la emision de poŝtmarko de "Ukrpoŝta" (Ukraina poŝto) dediĉita al la 150-a datreveno de Nikolaj Mikluĥo-Maklaj, kaj en 1998, dank' al liaj klopodoj, "Ukrpoŝta" dediĉis poŝtmarkon al la 50-a datreveno de la ukraina setlado en Aŭstralio. En 2000 li organizis la alvenon de delegacio de la Kieva Urba Konsilio por establi kulturajn rilatojn inter urboj Kievo kaj Sidnejo kaj alporti skulptaĵo-monumenton "Pensoj de Ŝevĉenko" kiel donacon al ukrainoj en Sidnejo de Ukrainio.[7][8]
Li estis premiita per Diplomo de la Ministerio de Kulturo kaj Artoj de Ukrainio (2003).
Referencoj[redakti | redakti fonton]
- ↑ Гончаренко, Марія. (1999) “Кравченко Петро Митрофанович”, Українська біографістика=Biographistica Ukrainica. Kievo: НАН України, Нац. б-ка України ім. В. І. Вернадського. Ін-т біогр. дослідж.. ISBN ISBN 966-02-1202-X.
- ↑ (Aŭgusto/Septembro 1971) “Three intriguing creations and their creator Peter Krawtschenko”, 729 News. Official bulletin of the 729 Club (en), p. 1.
- ↑ Художники Києва: творчо-бібліографічний довідник, вип. 2. К., 2001.
- ↑ 4,0 4,1 Художники України: творчо-бібліографічний довідник, вип. 2. К., 2001.
- ↑ Тимошенко Віра. Ноша України крізь віки / Свобода 31 marto 2000, с. 25
- ↑ Шаргей, А. (1999). “Крок реальної дії”, Українська культура № 10 (901), p. 16–17. Alirita 22 aprilo 2016..
- ↑ Кравченко Петро Митрофанович / УАЕД с. 225
- ↑ Пікалов, Володимир (2000-03-28). “Сіднейські «Думи»”, Столиця.
En tiu ĉi artikolo estas uzita traduko de teksto el la artikolo Кравченко Петро Митрофанович en la ukraina Vikipedio.