Pierre Carlet de Marivaux

El Vikipedio, la libera enciklopedio
Saltu al: navigado, serĉo
Pierre Carlet de Marivaux

Pierre Carlet de MARIVAUX, [marivo] estas franca verkisto (4-a de februaro 1688 - 12-a de februaro 1763). Lia vera nomo estas Pierre CARLET DE CHAMBLAIN DE MARIVAUX. Li naskiĝis en Parizo, sed pasigis grandan parton de sia junaĝo en Riom, centra Francio. Li komencis sian karieron kiel skribisto de parodioj kaj redaktoro en gazetoj. Ruinigita post la financa katastrofo de Law (bankrotoj), li dediĉis sin al teatro.

Li renovigis la francan teatron, precipe la komedion, bazante ĝin sur nova skribmaniero : priskribo de intima etoso, naskiĝantaj amo-sentoj, rilatoj inter viroj kaj virinoj, en lingva stilo tute nova por tiu epoko. Liaj personaĵoj efektive interparolas kiel en la "vera vivo", sen uzi specifajn vortaron aŭ esprimojn kiuj oni kutime trafis en klasikismaj teatraĵoj. Oni poste nomos tiun delikatan kaj fajnan stilon "marivaudage".

Li skribis multajn teatraĵojn, inter alie:

  • "La Surprise de l'amour" (Miro de amo) (1722)
  • "La Double Inconstance" (') (1723)
  • "Le Jeu de l'amour et du hasard" (Ludo de amo kaj de hazardo) (1730)
  • "La Mère confidente" (') (1735)
  • "Les Fausses Confidences" (Malveraj Konfesoj) (1737)
  • "L'Épreuve" (') (1740)

Li ankaŭ estas la aŭtoro de du romanoj, ofte konsiderataj kiel ĉefverkoj de la franca literaturo:

  • "La Vie de Marianne" (Vivo de Marianna) (1731–1741)
  • "Le Paysan parvenu" (') (1735)