Placo de la Revolucio (Bukareŝto)

Placo de la Revolucio
	Rajdanta statuo de Reĝo Karolo la 1-a Rajdanta statuo de Reĝo Karolo la 1-a
placo [+]
Lando	Rumanio
Situo	Bukareŝto
- koordinatoj	44° 26′ 19″ N, 26° 5′ 51″ O (mapo)44.4385626.0975Koordinatoj: 44° 26′ 19″ N, 26° 5′ 51″ O (mapo)
	Placo de la Revolucio (Centra Bukareŝto)
	Placo de la Revolucio (Centra Bukareŝto)
	Placo de la Revolucio (Bukareŝto)
	Placo de la Revolucio (Bukareŝto)
	Placo de la Revolucio
	Vikimedia Komunejo: Revolution Square, Bucharest [+]
	v • d • r

La Placo de la Revolucio (rumane Piața Revoluției) estas placo en la centro de la rumana ĉefurbo Bukareŝto. Ĝi situas sur Calea Victoriei. Ĝis 1989 ĝi estis nomita Piața Palatului ("Placo de la Palaco") kaj estis nomita laŭ la reĝa palaco, kiu nun enhavas la Nacian Artmuzeon. La renomado okazis post la Rumana Revolucio de decembro 1989. Aldone al la antaŭa Reĝa Palaco, la placo ankaŭ enhavas la Atenejon, la Athénée Palace Hilton Hotelon, la bibliotekon de la Universitato de Bukareŝto kaj la "Monumento de Renaskiĝo", 25-metro-alta marmorpiramido kun metala "krono".

La placo akiris historian signifon en aŭgusto 1968 kaj decembron 1989. En la parolado de Ceaușescu la 21-an de aŭgusto 1968, la rumana ŝtatestro Nicolae Ceaușescu akre kondamnis la invadon de la Ĉeĥoslovaka Socialisma Respubliko fare de la Varsovia Kontrakto ŝtatoj, kiu komenciĝis la 20-an de aŭgusto, sur kio tiam estis la Palaco. Tiu ĉi parolado iĝis la pinto de lia politika kariero. La malalta punkto estis lia lasta parolado, kiun li donis en Palaca placo la 21-an de decembro 1989. La sekvan tagon, Ceaușescu kaj lia edzino fuĝis del la ĉefurbo per helikoptero sur la tegmento de la tiama Centra Komitato de la Rumana Komunista Partio kaj estis ekzekutitaj la 25-an de decembro. La iama Centra Komitato estas la sidejo de la rumana ministerio pri internaj aferoj ekde 2006.