Pokera terminaro

Jen listo de terminoj pri la kartludo pokero:

• ajnkarto: karto kiu povas anstataŭi por karto de iu rango aŭ emblemo ajn.
• anteo: malgranda veto farita de ĉiuj ludantoj antaŭ la disdono.
• aso: karto markita kun la litero "A" kaj unu meza emblemo, ofte la plej alta (super la reĝo) aŭ malalta (malsuper la dua) karto.
• blindvetoj: devigaj vetoj en Tenpokero kiam oni estas maldekstre de la disdonanto.
• cedi: rezigni la manon.
• damo: figura karto rangita inter fanto kaj reĝo.
• disdonanto: tiu, kiu disdonas la kartojn.
• elmontrado: la montrado de manoj post vetado finiĝas.
• emblemo: ĉiu el la 4 specoj de kartoj (trefo, piko, kero, karoo); ankaŭ mano kun 5 samemblemaj kartoj
• fanto: figura karto rangita inter la deko kaj la damo. (malofte nomata bubo.)
• ĵetono: disketo uzata anstataŭ monero dum ludado
• ĵokero: plua senemblema karto krom la tipa kartaro, okaze uzita kiel ajnkarto.
• kartaro: 52-a kartstako, aŭ eble 54 kartoj kun du ĵokeroj.
• karto: ĉiu el la kartonfolietoj per kiu oni ludas pokeron kaj similajn ludojn
• karoo (aŭ rombo): ♦
• kero: ♥
• koloro: ĉiu el la 2 grupoj de kart-emblemoj: ruĝa (karoo, kero) kaj nigra (piko, trefo)
• sindeteno: nula veto nur farebla kiam neniu veto ekzistas.
• sekvenco: serio el sinsekvaj ludkartoj de la sama emblemo.
• sinsekvo: mano kiu konsistas de kvin kartoj de rangoj sekvantaj.
• mano: la kartoj en la mano de la ludanto.
• piko: ♠
• plialtigi: plialtigi la grandecon de la veto.
• poto: la sumo de ĉiuj vetoj, gajnata de venkanto.
• reĝa koloro: linia koloro de deko al aso.
• reĝo: figura karto rangita inter damo kaj aso.
• sekvi: samigi la veton.
• trefo: ♣
• veti: fari veton. La aliaj ludantoj devas cedi siajn manojn se ili ne deziras sekvi.

Eksteraj ligiloj

• Pri pokero