Pomy VD

El Vikipedio, la libera enciklopedio
Salti al navigilo Salti al serĉilo
Disambig.svg - La mallongigo VD en Pomy VD staras por la svisa Kantono Vaŭdo. Por aliaj signifoj de la nomo vidu sub Pomy.

Pomy
Blazono de Pomy
Blazono de Pomy
Pomy
Pomy
Kantono Vaŭdo
Distrikto Vaŭda Nordĵuraso
Koordinatoj  46°45′35″N 6°40′9″O  /  46.75972°N, 6.66917°O / 46.75972; 6.66917 (Pomy VD)Koordinatoj: 46°45′35″N 6°40′9″O  /  46.75972°N, 6.66917°O / 46.75972; 6.66917 (Pomy VD)
Nombro de enloĝantoj 694
Areo 5,62 km²
Alteco 558 m super marnivelo
Poŝtkodo 1405
Komunumkodo 5926
Mapo de Pomy
Situa mapo de Pomy
Information icon.svg
vdr

Pomy estas komunumo en la distrikto Vaŭda Nordĵuraso en Kantono Vaŭdo, Svislando. Ĝi havis 694 loĝantojn je la 31-a de decembro 2012.

Geografio[redakti | redakti fonton]

La komunumo Pomy situas sur la molasaj mondetoj de la Vaŭda Mezlando proksimume 5 kilometrojn norde de la Lago de Neŭŝatelo kaj trikilometrojn nordnordoriente de la distriktĉefurbo Yverdon-les-Bains. La komunumo konsistas el la vilaĝo Pomy kaj la setlejoj Chevressy kaj Calamin.[1]

La teritorio de la komunumo etendiĝas sur areo de 5,62 km², de kiuj 15,7% estas kovritaj de arbaro, 77,6% servas por agrikulturo kaj 6,0% por setlado. [2]

Najbaraj komunumoj[redakti | redakti fonton]

La komunumo Pomy limas en nordoriento al Cuarny, en sudoriento al Cronay, en sudo al Ursins, en sudokcidento al Valeyres-sous-Ursins, kaj en nordokcidento al Yverdon-les-Bains.

Trafiko[redakti | redakti fonton]

Tra Pomy pasas la kantona vojo de Yverdon-les-Bains al Moudon. La plej proksima alveturejo al la svisa aŭtovojo A1, kiu pasas sub la komunuma teritorio tra tunelo, situas rekte nordokcidente de la komunuma limo sur la teritorio de la komunumo Yverdon-les-Bains.

Historio[redakti | redakti fonton]

La unua dokumenta mencio de Pomy datiĝas el la jaro 1184 kiel Pomiers. Sur la teritorio de la komunumo estis trovitaj restaĵoj de pluraj gaŭlaj kaj romiaj setlejoj. Dum mezepoko Pomy apartenis al la Senjorujo Belmont kaj la Abatejo Montheron posedis diversajn bienojn en la komunumo. La havaĵoj de la Abtejo Monthero dum la reformacio falis al la urbo Laŭzano kaj parte al la familio Manuel, kiu kompletigis siajn havaĵojn en Pomy pere de aĉetoj. Sub la berna regado de 1536 ĝis la Helveta Revolucio de 1798 Pomy apartenis al la Voktejo Yverdon. Post la Helveta Revolucio ĝi estis atribuita al la Distrikto Yverdon, kiu kun efiko de la 1-a de januaro 2008 surbaze de la administra reformo de 2006 estis integrita al la nova Distrikto Vaŭda Nordĵuraso. En la jaro 1964 la setlejo kun la bieno La Grand-Fin estis koncedita al la komunumo Cuarny.[3]

Vidu ankaŭ[redakti | redakti fonton]

  • Aliaj lokoj kun la nomo Pomy

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Philippe Heubi: Pomy en Historia Leksikono de Svislando (2010-02-12)

Eksteraj ligiloj[redakti | redakti fonton]

Bildoj[redakti | redakti fonton]