Preĝejo de Sankta Margaret (Westminster)
| Preĝejo de Sankta Margaret | ||
|---|---|---|
| kirko | ||
.jpg) | ||
| Church of England parish church [+] | ||
| Lando | Britio | |
| Situo | Londono | |
| - koordinatoj | 51° 30′ 0″ N, 0° 7′ 37″ U (mapo)51.5-0.12694400000001Koordinatoj: 51° 30′ 0″ N, 0° 7′ 37″ U (mapo) | |
| Estiĝo | 11-a jarcento | |
|
||
 |
||
| Preĝejo de Sankta Margaret | ||
 Vikimedia Komunejo: St Margaret's, Westminster [+] |
||
| En TTT: Oficiala retejo [+] | ||
Preĝejo de sankta Margaret (Westminster) estas anglikana preĝejo tuj apud Abatejo Westminster kaj tuj kontraŭ la Palaco de Westminster kie kunvenas la parlamento de la Unuiĝinta Regno (Britio).
La preĝejo estas dediĉita al Sankta Margareta de Antioĥio kaj estis fondata de benediktanoj dum la 12-a jarcento por ke homoj loĝantoj en kvartalo povus ĉeesti diservojn sen eniri Abatejon Westminster. Ĝi rekonstruiĝis de 1486 al 1523. En 1614 ĝi iĝis la paroĥa preĝejo de Westminster, kaj ekde tiu dato estas tie kie okazis la diservoj de la brita parlamento.
De 1734 al 1738 konstruiĝis la nordokcidenta turo. En 1877 Kavaliro George Gilbert Scott restaŭris kaj reordigis la preĝejon, kvankam ankoraŭ restas multaj tudoraj elementoj.
Notindaj estas pluraj fenestroj, kiuj memorigas:
- la fianciĝon de Arthur Tudor (pli aĝa frato de Henriko la 8-a (Anglio)) kaj Katerino de Aragono (flandra vitralvitro de 1509)
- la presiston William Caxton
- Kavaliron Walter Raleigh (kiu entombiĝis en la preĝejo en 1618)
- la poeton John Milton
En la preĝejo okazis edziĝritoj de gravuloj kiel Samuel Pepys kaj Winston Churchill.
Preĝejo Sankta Margaret havas gravan muzikan tradicion. Inter la orgenistoj estis la komponisto John Blow kaj Edward Purcell, filo de la komponisto Henry Purcell.