Provinco Lunda Norte

El Vikipedio, la libera enciklopedio
Saltu al: navigado, serĉo
situo de la provinco en Angolo

La provinco Lunda Norte estas unu el 18 administraj unuoj, kiuj dividas la ŝtaton Angolo en sudokcidenta Afriko. Ĝi kovras areon de 103 000 kvadrataj kilometroj kaj laŭ takso pri la stato de 2014 havis proksimume 860 000 loĝantojn. Administra centro de la provinco post la ŝtata sendependiĝo komence estis Lucapa, sed pli poste la provinca ĉefurbo estis translokigita al Dundo. La teritorio situas en la nordoriento de la lando, lime de la Demokratia Respubliko Kongo, nomata Kongo Kinŝasa.

Inter la municipoj de la provinco estas Shah-Muteba, Cuango, Capemba-Camulemba, Lubalo, Caungula, Cuilo, Chitato-Dundo, Lucapa kaj Caumbo. Ĉefa etno en la provinco estas la ĉokveoj, sed malplimulte ekzistas ankaŭ etno nomata lundaoj, laŭ kiu la provinco evidente havas sian nomon, kaj aliaj etnaj grupiĝoj. La teritorio estas riĉa je diamantoj, sed tamen restas vaste subevoluita kaj la provincanoj estas plejparte tre malriĉaj.