Rafleziacoj

Kiel legi la taksonomion

Rafleziacoj

Rafflesia kerrii

Biologia klasado

Regno:	plantoj Plantae
Subregno:	trakeofitoj Tracheophyta
Superdivizio:	spermatofitoj Spermatophyta
Divizio:	angiospermoj Angiospermae
Klaso:	dukotiledonoj Magnoliopsida
Subklaso:	rozedoj Rosidae fabedoj Fabidae
Ordo:	malpigialoj Malpighiales
Familio:	rafleziacoj Rafflesiaceae Dumort. ^[1]

Tipa genro

raflezio Rafflesia
R.Br. ex Gray

Aliaj Vikimediaj projektoj

Sistematiko en Vikispecioj

Komunejo pri Rafleziacoj

v • d • r

La rafleziacoj^[2] (latine Rafflesiaceae) estas planta familio el la dukotiledonaj angiospermoj. Tiu familio apartenas al la ordo malpigialoj (Malpighiales). Ĝi enhavas 3 genrojn kaj ĉirkaŭ 20 speciojn^[1]^,^[3]. Ĝia tipa genro estas raflezio^[2].

Tiuj plantoj estas parazitaj sentigaj kaj senfoliaj herboj (la vegetativaj partoj kreskas en la parazitita planto) kun gigantaj floroj. Ili kreskas en sud-orienta Azio kaj eligas kadavrecan odoron.

Taksonomio

Laŭ World Flora Online kaj The Plant List (31 maj. 2020)^[1]^,^[3], jen ĉi-sube la listo de la akceptitaj taksonoj, kaj ties Esperantaj nomoj^[4]:

Angiospermae - angiospermoj
- Malpighiales Juss. ex Bercht. & J.Presl - malpigialoj
  - Rafflesiaceae Dumort. - rafleziacoj
    - Rafflesia R.Br. ex Gray - raflezio^[2]
    - Rhizanthes Dumort. - rizanto
    - Sapria Griff. - saprio

Kelkaj specioj

Rafflesia arnoldii, indonezia raflezio (aŭ giganta putrofloro) havas floron kun diametro eĉ 1 m, plej grandan sur la tero. Ĝi parazitas la Tetrastigma-speciojn, plej ofte la specion T. leucostaphylum. La floro pezas 9–12 kg kaj havas 5 petalojn, ĉirkaŭante grandan kalikon. La floro estas unuseksa kaj nur ĉ. 12 % estas femala. Ili floras nur dum 4-8 tagoj eligante bonodoron kaj allogante muŝojn por polenado. La grajnoj longas 07–09 mm, larĝas 03-0,4 mm, ilin disvastigas bestoj. La grajnoj ĝermas eĉ dum 46 monatoj, post 2 monatoj aperas la burĝono, post 10-16 monatoj okazas la florado. Ili estas simbolo de la medioprotekto en Sumatro.