Rampa ranunkolo

Ranunculus repens
Ranunculus repens
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonoj Magnoliopsida Ordo: Ranunkolaloj Ranunculales Familio: Ranunkolacoj Ranunculaceae Genro: Ranunkolo Ranunculus L. Specio: Ranunkolo rampanta (Ranunculus repens L., 1753)
Aliaj Vikimediaj projektoj

Rampa ranunkolo (Ranunculus repens L) estas herba planto el familio Ranunkolacoj.

Priskribo

Tigo: 10 - 50 cm alta, iom haroza, kuŝa aŭ stara kun longaj stolonoj surfacaj (el kio la specia epiteto), formiĝantaj ofte ĉe intersekca punkto el kiu naskiĝas folio.

Folioj: la bazaj, ligitaj al sensulkaj petioloj, havas tri lobojn triangulajn kaj harozajn, ĝisbaze dividitajn. Ĉiu lobo posedas propran petioleton.

Floroj: diametro 2-3 cm; solaj fine de longaj sulkaj pedunkloj naskiĝantaj aksele de folio; sepaloj 5, sterniĝantaj; petaloj 5, flavaj; karpeloj kun mallonga beko.

Fruktoj: akenaro.

Reproduktado: hermafrodita, polenado fare de insektoj.

Kresklokoj

En malsekaj herbejoj, kampoj, vojrandoj, ĝardenoj en Eŭropo, Azio kaj disvastiĝinta en Ameriko. Floras de majo al septembro.

Tiu toksa planto povas kaŭzi morton, same kiel la aliaj ranunkoloj.