Reaktanco

Reaktanco estas imaginara komponanto de elektra impedanco. La impedanco estas kompleksa nombro, kies reala komponanto estas aktiva rezistanco kaj la imaginara komponanto estas imaginara aŭ reaktiva rezistanco.

$Z=R+jX\,$,

kie $Z\,$ estas kompleta rezistanco aŭ impedanco, $R\,$ estas aktiva rezistanco, $X\,$ estas la reaktiva (propre reaktanco), $j\,$ estas imaginara unuo.

Depende de la signo de la reaktanco ŝanĝas la konduto de elektra cirkvito:

• $X>0\,$ la reaktanco estas pozitiva, la impedanco havas induktivan karakteron.
• $X=0\,$ la impedanco estas pure aktiva.
• $X<0\,$ la reaktanco estas negativa, la impedanco havas kapacitan karakteron.

La reaktancon difinas la induktiva kaj la kapacita komponanto de cirkvito:

$X=X_{L}-X_{C}\,$.

La induktiva komponanto dependas de la indukto kaj la kapacita komponanto dependas de la kapacito de la elektra cirkvito, dum ambaŭ varias laŭ la angula frekvenco $\omega \,$ de la fluanta alterna kurento:

la Induktiva komponanto ($X_{L}\,$) estas $X_{L}=\omega L=2\pi fL\,\!$, kaj

la kapacita komponanto ($X_{C}\,$) estas $\ X_{C}={\frac {1}{\omega C}}={\frac {1}{2\pi fC}}\,$.

La susceptanco estas la inverso de la reaktanco:

$B={\frac {1}{X}}\,\ .$

Vidu ankaŭ

• Alterna kurento
• Admitanco
• Elektra impedanco
• Induktanco
• Kapacitanco
• Konduktanco
• Rezistanco
• Susceptanco, inverso de reaktanco