Richard Linklater
| Richard Linklater | |||||
|---|---|---|---|---|---|
_(cropped).jpg) | |||||
| Persona informo | |||||
| Richard Linklater | |||||
| Naskonomo | Richard Stuart Linklater | ||||
| Naskiĝo | 30-an de julio 1960 (66-jaraĝa) en Hustono | ||||
| Lingvoj | angla vd | ||||
| Loĝloko | Aŭstino vd | ||||
| Ŝtataneco | Usono  vd | ||||
| Alma mater | Sam Houston State University (en)  Bellaire High School (en) Austin Community College District (en) vd | ||||
| Familio | |||||
| Infanoj | Lorelei Linklater (en) vd | ||||
| Profesio | |||||
| Okupo | scenaristo • filmproduktoro • reĝisoro • aktoro • filmreĝisoro • animaciisto vd | ||||
| Aktiva dum | 1985– vd | ||||
| Verkado | |||||
| Verkoj | Boyhood ❦ Before Sunrise ❦ Before Sunset ❦ Before Midnight ❦ Dazed and Confused ❦ School of Rock vd | ||||
| |||||
| |||||
| |||||
| En TTT | Oficiala retejo vd | ||||
| vd | Fonto: Vikidatumoj | ||||
Richard Stuart LINKLATER (naskita la 30-an de julio 1960 en Houston, Teksaso) estas usona filmreĝisoro kaj scenaristo, konsiderata unu el la plej gravaj filmistoj en nuntempa usona sendependa kino. Liaj plej konataj verkoj inkluzivas Dazed and Confused (1993), School of Rock (2003), Boyhood (2014) kaj la filmtrilogion Before (1995–2013).
Li estas trifoja kandidato por la Akademia Premio pro verkado de la scenaroj por Before Sunset (2004), Before Midnight (2013), kaj Boyhood (2014), kaj dufoja gajninto de la Berlina Filmfestivalo pro reĝisorado de Before Sunrise (1995) kaj Boyhood (2014). Pro Boyhood, unu el la plej sukcesaj filmoj de lia kariero, li ankaŭ estis nomumita por Oskaro kiel reĝisoro, produktoro kaj scenaristo.
En 1985, li fondis la Aŭstinan Filmsocieton kun sia delonga kunlaboranto kaj kameraisto Lee Daniel. En 2015, Linklater estis inkludita en la ĉiujara listo Time 100 de la plej influaj homoj en la mondo.[1]
Stilo
[redakti | redakti fonton]Richard Linklater rajdis la ondon de nova usona sendependa kinejo inspirita de la libro de Rick Schmidt el 1989, How to Make a Feature Film at Used Car Prices (Kiel fari plenlongan filmon je prezoj de uzitaj aŭtoj), tio estas, 10 000 dolaroj aŭ malpli. La libro rapide fariĝis la biblio por aspirantaj junaj filmistoj kaj lanĉis tiajn filmistojn kiel Quentin Tarantino, Robert Rodriguez, Spike Lee, Steven Soderbergh kaj Linklater.
La filmoj de Linklater karakteriziĝas per minimuma fotilmovado, fokuso sur dialogo anstataŭ rakonto (aŭ ofte tute nenia rakonto), kaj la limigo de la filma agado al tre mallonga tempodaŭro, kiel ekzemple unu nokto, 24 horoj, aŭ unu tago. Before Sunset disvolviĝas en reala tempo.[2]
La filmoj de Linklater ĉerpas inspiron de la verkoj de reĝisoroj kiel Jean-Luc Godard, François Truffaut, Jacques Tati, Eric Rohmer kaj Robert Bresson. Referencoj al literaturo kaj filozofio, inkluzive de André Breton, Benedict Anderson kaj André Bazin, estas oftaj..[3][4]
Unu el la plej oftaj ĉeftemoj en la filmoj de Linklater estas larĝe difinita neniofarado. En multaj el liaj verkoj, Linklater festas neniofaradon kiel kreivan vivmanieron, senliman al iuj ajn limoj aŭ strukturoj. Neniofarado en liaj filmoj servas kiel antidoto kontraŭ la kapitalisma ratovetkuro, formo de ribelo kaj protesto kontraŭ la subpremo de la pli larĝa sistemo. La protagonistoj de multaj Linklater-filmoj pasigas sian tempon filozofante, inventante rakontojn aŭ revante. Neniofarado, en la senco prezentita de Linklater, estas kultura okupo - kultivi pli altajn valorojn samtempe malakceptante materialismon. La ligo inter kreemo kaj senlaboreco (aŭ nenifarado) estas revenanta temo en la plej multaj el la filmoj de Linklater, kiel ekzemple Slacker, Dazed and Confused, Before Sunrise, Waking Life kaj Tape. Tamen, la reĝisoro kapablas vidi la riskon de nekreiva mallaboremo - la heroo de la filmo subUrbia el 1996 estas la plej bona ekzemplo de kiel mallaboremo kaj manko de aktiveco influas la formadon de negativaj, detruaj sintenoj, kiel envio, rasismo, malamo kaj perforto.
La filmoj de Linklater plej ofte rondiras ĉirkaŭ junuloj kaj tio, kion la reĝisoro mem nomas la kontinuumo de junulara ribelo. Linklater tipe elektas junajn, talentajn aktorojn, kiuj estas leviĝantaj Holivudaj steluloj en siaj filmoj. Inter ili estas Ethan Hawke, Milla Jovovich, Jason London, Rory Cochrane, Julie Delpy, Jack Black kaj Giovanni Ribisi.
La du filmoj de la reĝisoro — Through a Scanner Darkly kaj Waking Life — estis kreitaj per revolucia tekniko nomata rotoskopado. Ĉi tiu tekniko implikas animaciigi antaŭe filmitan kaj redaktitan filmon. Ĉi tiu animacio estas tre proksima al la originalo, inkluzive de la simileco de la aktoroj, samtempe permesante la uzon de efikoj neeble atingeblaj en konvencia filmkreado.
Filmaro
[redakti | redakti fonton]- Hitman (2023)
- Merrily We Roll Along (TBA)
- Where'd You Go, Bernadette (2019)
- Last Flag Flying (2017)
- Everybody Wants Some (2016)
- Boyhood (2014)
- Before Midnight (2013)
- Bernie (2011)
- Me and Orson Welles (2008)
- Fast Food Nation (2006)
- A Scanner Darkly (2006)
- Bad News Bears (2005)
- After Sunset (2004)
- School of Rock (2003)
- Tape (2001)
- Waking Life (2001)
- The Newton Boys (1998)
- subUrbia (1996)
- Before Sunset (1995)
- Dazed and Confused (1993)
- Heads I Win/Tails You Lose (1991)
- Slacker (1991)
- It's Impossible to Learn to Plow by Reading Books (1989)
Referencoj
[redakti | redakti fonton]- ↑ "Richard Linklater". Arkivigite je 2023-02-09 per la retarkivo Wayback Machine
- ↑ Sharf, Zack (July 11, 2014) 6 Times Richard Linklater Expertly Played With Narrative. IndieWire.
- ↑ "10 Films That Had The Biggest Influences On The Films Of Richard Linklater". (en-us)
- ↑ "Richard Linklater's Top 10".