Rilataj Transoceanaj Landoj kaj Teritorioj (Eŭropa Unio)
La Transoceanaj Landoj kaj Teritorioj (mallongigita TLToj) estas dependoj de la membroŝtatoj de la Eŭropa Unio, sed kiuj tamen ne estas integra parto de la Eŭropa Unio mem. Iliaj statutoj kaj iliaj rilatoj kun EU regas laŭkaze en la Traktato pri Eŭropa Unio (TEU). La aŭtonomeco kaj individuaj privilegioj, kiujn ili ĝuas, dependas ankaŭ de la rilatoj, kiujn ili havas kun la landoj, al kiuj ili estas ligitaj.
Oni ne konfuzu la TLTojn kun la Eksteraj Regionoj (ERoj), kiuj havas alian statuson de transmaraj regionoj de la landoj de Eŭropa Unio. Ilia jura reĝimo estas difinita en Artikoloj 198 kaj sekvaj De la Traktato pri Funkciado de Eŭropa Unio). La TLToj, kies statuto estis kreita ekde la Traktatoj de Romo en 1957, ne estas parto de la Eŭropa Unio kaj ne estas membroj de la Schengen-areo kvankam ili dependas de landoj, kiuj estas ties parto.
La TLOToj estas:
- El Danio: Gronlando
- El Francio: Nov-Kaledonio, la Franca Polinezio, Sankta-Piero kaj Mikelono, la Francaj Sudaj kaj Antarktaj Teritorioj, Valiso kaj Futuno kaj Saint-Barthélemy
- El Nederlando: Arubo, Bonero, Kuracao, Saba, Sint Eustatius kaj Sint-Maarten
