Ripiduredoj

El Vikipedio, la libera enciklopedio
Jump to navigation Jump to search
Vikipedio:Kiel legi la taksonomionKiel legi la taksonomion
Ripiduredoj
Rhipidura rufifrons
Rhipidura rufifrons
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Paseroformaj Passeriformes
Familio: Rhipiduridae
Sundevall, 1872
Genro: Rhipidura
Vigors & Horsfield 1827
Specioj

Vidu tekston.

Aliaj Vikimediaj projektoj
v  d  r
Information icon.svg

La Ripiduredoj (Rhipiduridae) aŭ populare en kelkaj lingvoj ventumilvostuloj estas familio el la ordo de la Paseroformaj birdoj (Passeriformes). Ekzistas 45 specioj en nur unu genro Ripiduro (Rhipidura).

Aspekto[redakti | redakti fonton]

Temas pri birdoj de inter 15 kaj 18 centimetroj – unu el la plej grandaj, Rhipidura leucophrys, havas 23 centimetrojn – kun fortaj bekoj. La vosto kutime estas pli longa ol la korpo.

Disvastiĝo[redakti | redakti fonton]

Ili plejparte troviĝas en Aŭstralio, sed ankaŭ en Nov-Gvineo, Nov-Zelando kaj aliaj insuloj de la Pacifiko. Ekzistas ankaŭ ripiduroj en aliaj partoj de Sudazio. La specioj, kiuj vivas en pli malvarmaj regionoj de Aŭstralio aŭ de Himalajo, estas migrobirdoj.

Vivo[redakti | redakti fonton]

Ripiduroj vivas ĉefe en ĉiuspecaj arbaroj, ankaŭ inter mangrovoj. En pluvarbaroj povas okazi, ke tri malsamaj specioj loĝas en unu arbo en diversaj etaĝoj. Tiel ili utiligas ĉiujn arbarajn biotopojn.

Ili nutras sin per insektoj, kiujn ili kaptas dum flugado. Nur la plej grandaj prenas nutraĵon ankaŭ de sur la tero.

La plej multaj specioj estas hiperaktivaj. Dum ili flugas, ili piruete petolas, dum ili sidas, ili daŭre turniĝas, svingante la voston supren kaj malsupren, distendante kaj refaldante ĝin.

En printempo ili defendas sian teritorion kaj konstruas nestabilajn pokalformajn nestojn. Ne malofte ili kovas plurfoje dum la jaro.

Nomo[redakti | redakti fonton]

La nomo venas el la helena ῥιπίζειν = balanci, svingi, ventumi, kaj οὐρά = vosto. Pro tio en la germana kaj angla ili nomiĝas ventumilvostuloj (Fächerschwänze, Fantails).

Specioj [1][redakti | redakti fonton]

Literaturo[redakti | redakti fonton]

  • Joseph Forshaw, Enzyklopädie der Vögel, Augsburg 1999, ISBN 3-8289-1557-4, p. 199 – 200

Eksteraj ligiloj[redakti | redakti fonton]

Interreta datenbazo Avibase [1]

Notoj[redakti | redakti fonton]

  1. laŭ la taksonomio de Clements, 6a eldono, kia ĝi estas uzata en Avibase
Rhipidura fuliginosa
Rhipidura leucophrys
Rhipidura rufiventris