Ritchie Valens

El Vikipedio, la libera enciklopedio
Saltu al: navigado, serĉo
Foto gravurita sur la tombŝtono de Ritchie Valens

Ritchie VALENS (origine: Ricardo Steven VALENZUELA, naskiĝis la 13-an de majo 1941 en Pacoima, Kalifornio, mortis la 3-an de februaro 1959 dum aviadila akcidento) estis usona muzikisto meksik-devena.

Dum sia muzikista kariero li registris inter alie la kanton La Bamba. Mallonge poste, nur 17 jarojn aĝa, li kune kun la muzikistoj Buddy Holly kaj The Big Bopper mortis dum aviadila akcidento. La tragika tago eniris la historion kiel The Day the Music Died (= la tago, kiam la muziko mortis).

En la jaro 1987 la vivo de Ritchie Valens estis filmigita sub la titolo La Bamba. En 2001 li eniris la Rock and Roll Hall of Fame; la Hollywood Walk of Fame dediĉis al li stelon.