Riverside (Kalifornio)
Riverside (elp. RIvasajd) estas grandurbo en, kaj administra ĉefurbo de, samnoma kantono en la suda parto de Kalifornio, 97 km oriente de Losanĝeleso. Laŭ nombro de loĝantoj, ĝi estas la 12-a plej granda urbo en Kalifornio (kaj 62-a en tuta Usono). La urbo havis 303 871 loĝantojn en 2010, kaj ampleksas areon de 210 km2. Riverside fondiĝis en la 1870-aj jaroj, kaj estis la origina centro de la kalifornia citrusokultiva industrio. Ĝi havas unu el la dek terenoj de la Universitato de Kalifornio (UCR), la arkitekture gravan hotelon Mission Inn, nacian militistan tombejon, la Kalifornian Muzeon de Fotografio, aŭtokonkursejon Riverside International Raceway, kaj ŝtatan historian parkon pri citrusokultivado.
Ĝemelurboj
Riverside havas ĝemelurbajn rilatojn kun ok aliaj urboj: