Rodgau

	Rodgau
Rodgau (Germanio)
situo de la komunumo en la distrikto
Administrado
Federacia lando	Hesio
Distriktaro	Distriktaro Darmstadt
Distrikto	Distrikto Offenbach
Urborajtoj	urbo (Stadt)
Telefona antaŭkodo	06106
Poŝtkodo	63110
Malnova poŝtkodo de antaŭ 1993	6054
Aŭtomobila kodo	OF
Oficiala Municipokodo	06438011
LOCODE	DE ROU
Subdivido	5 urbopartoj (Stadtteile)
Politiko
Komunumestro	Jürgen Hoffmann
Partio de komunumestro	SPD
Adreso de la administrejo	Hintergasse 15
Demografio
Loĝantaro	46426 (stato 2022-12-31) [fonto: landa statistika oficejo]
Geografio
Geografia situo	50° 2′ N, 8° 53′ O (mapo)50.0256258.8840972222222Koordinatoj: 50° 2′ N, 8° 53′ O (mapo)
Alto super la marnivelo	127 m
Areo	65,04 km²
Oficiala retejo	https://www.rodgau.de/
	v • d • r

Rodgau [ROTgaŭ] estas germana urbo en la sudo de la federacia lando Hesio. Fine de la jaro 2022 la komunumo havis 46426 loĝantojn, sekve estas la plej granda komunumo de la distrikto Offenbach kaj apartenas al la administra distriktaro Darmstadt. La urbo estas parto de la ekonomia regiono Rhein-Main, kaj la aŭtoŝoseo A3 ligas ĝin al la 15 kilometrojn foraj centraj regionaj urboj Frankfurto ĉe Majno kaj Offenbach.

Krom la aŭtoŝoseo A3, kiu inter Kolonjo kaj Frankfurto okcidente kaj Aschaffenburg kaj Würzburg oriente pasas la urbon en la nordo de ties areo, la unuopajn urbopartojn, kiuj historie ĉiuj estis memstaraj komunumoj kaj de nordo al sudo fadeniĝas kiel perloj sur ŝnuro, norde-sude ligas dua autoŝoseeca strato, la federacia strato B 45.

La urbopartoj estas de nordo al sudo:

Weiskirchen
Hainhausen
Jügesheim
Dudenhofen kaj
Nieder-Roden

En Nieder-Roden [nidaRO:dn] troviĝas granda banlago, unu el la plej konataj ripozejoj de la regiono, kun plaĝoj por banvestitaj kaj nudistaj feriemuloj. Ĝi eble estas la nura banlago, kiu havas propran kanzonon: La germana rokmuzika grupo Rodgau Monotones prikantis ĝin dum la okdekaj jaroj de la dudeka jarcento, germanlingve en la kanzono "St. Tropez am Badesee" (etoso kvazaŭ en Saint-Tropez, ĉe la hejma banlago), milde kaj aminde ironie.