Romaj elegioj

Romaj Elegioj
Romaj Elegioj
Aŭtoro	Johann Wolfgang von Goethe
Eldonjaro	1932
Urbo	Budapeŝto
Eldoninto	Literatura Mondo
Paĝoj	77
Partoj • Q111519771 vd

Romaj elegioj estas poemserio kreita de Johann Wolfgang Goethe en antikva metriko kaj la lirika frukto de lia unua vojaĝo al Itallingvio inter 1788 kaj la fino de 1790 (ŝtato "Italio" tiutempe ne ekzistis). La funda motivo de Romaj Elegioj estas la amrilato inter la aŭtoro kaj lia estonta edzino. La aŭtoro kantas amomiton, en kiu denove ekvivas muzike kaj plastike la amovivo, mondorigardo kaj diaro de la antikva epoko.

El la germana la verkon esperantigis Kalman Kalocsay. La eldonaĵo de 1932 ĉe Literatura Mondo en Budapeŝto ampleksis 77 paĝojn kaj enhavis ilustraĵojn. Edition Iltis el Bad Bellingen prizorgis reeldonon en la jaro 2015.

Recenzoj

	„ La du versaj verkoj montras la erotikan Goethe. Sed ĉi tiu erotiko puriĝas alta kaj nobla en la flamo de l' arto kaj amo. ” — Antaŭparolo

„ Ĉeftemo de la libro estas Amo en formo de lirikaj poemoj. La tradukinto sufiĉe konigis sian mirindan lertecon en poemtradukado. Ĉi tie li ankaŭ submetiĝis al formfidela traduko kaj helpis la leganton per konciza antaŭparolo kaj postaj klarigoj. Tiel liveris al tiuj kiuj ne konas la latinan lingvon la plej precizan konon pri tiuj famaj poemoj. ” — 1932 (1965), Historio de Esperanto II, paĝoj 773-774

„ Ni konas la majstrecon per kiu Kalocsay estras la Esperantan verson kaj ni retrovas ĝin ankaŭ en tiu ĉi verketo, kvankam la traduko iom katenas la liberan flugadon, kiun ni en la originalaj verkoj admiras ĉe la poeto. Kiu konas la temon de la koncernaj verketoj de Goethe scias, ke la enhavo estas diversmaniere prijuĝata ; ankaŭ la aŭtoro en la antaŭvorto trovas necese pledi por pravigi la elekton, kiun li faris ” — Belga esperantisto n200 (mar-apr 1933)

Bildaro

• 
  Mencio de la verko en Esperanto, 1932, paĝo 149
• 
  Eldonaĵo de 1932, bindita

Eksteraj ligiloj

• Enciklopedio de Esperanto/R en sia originala formo en la Interreto
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience