Romeo, Julieta kaj la tenebro

El Vikipedio, la libera enciklopedio
Salti al navigilo Salti al serĉilo

Romeo, Julieta kaj la tenebro (Romeo, Julie a tma) estas la plej populara verko de la ĉeĥa verkisto Jan Otčenášek. Tiu novelo de 1958 temas pri juna paro dum la Nazia okupacio, en la reprezalia kunteksto de la sekvo de la mortigo de Reinhard Heydrich estis, en 1960 adaptita al filmo, reĝisorita de Jiří Weiss kaj kun steluloj Ivan Mistrík, Daniela Smutná, kaj Jiřina Šejbalová. En 1963 ĝi iĝis opero fare de soveta komponisto Kirill Molĉanov.[1]

Paŭlo konis Ester en parko. Ester estas terurigita ĉar komencis la deviga kaj perforta sendado de judoj al ekstermejoj. Ŝi estas juda, sed Paŭlo ne. Paŭlo kaŝigis ŝin en neloĝata loĝejeto apud laborejo kie laboras li mem, lia patro kaj aliaj. Li konfesas tion al neniu kaj tenas ĉion sekrete. Laŭ la tempopaŝo, la situacio iĝas pli kaj pli kritika.

La verko aperis en 1965 en la eldonejo Stafeto, tradukita en Esperanton fare de Vladimír Váña, kun prologo de Louis Aragon.[2]

Notoj[redakti | redakti fonton]

  1. Emily Olin. (2012) Singing in Russian: A Guide to Language and Performance. Rowman & Littlefield, p. 157–. ISBN 978-0-8108-8116-7.
  2. Jan Otčenášek, "Romeo, Julieta kaj la tenebro", Stafeto, La Laguna, 1965.