Sabinolo

Sabinolo

Plata kemia strukturo de la Sabinolo

Juniperus sabina enhavas sabinolon kaj ties derivaĵojn
Kemia formulo	C₁₀H₁₆O
CAS-numero-kodo	471-16-9
ChemSpider kodo	16736302
PubChem-kodo	42626427
Fizikaj proprecoj
Aspekto	senkolora oleeca likvaĵo
Molmaso	152.237g·mol^-1
Bolpunkto	208 °C
Refrakta indico	$n_{761}^{20}$ 1,4895
Ekflama temperaturo	84 °C
Solvebleco	Akvo:Nesolvebla
Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo (25 °C kaj 100 kPa)

Sabinolo estas ducikla alkoholo derivita el la sabinano, akramara oleeca substanco nature trovata en la planto Juniperus sabina izole kaj kiel estero , Ĝi uzatas en populara medicino kiel parfumo kaj aliaj hejmaj uzoj. Hipoteze ĝi trovatas ankaŭ en la oleo de la Cipresacoj.

Ĉar sabinolo enhavas tri nesimetriajn karbonatomojn, ĝi teorie povas ekzisti laŭ ok malsamaj optike aktivaj formoj.^[1] Sabinolo estis unue esplorita de la germana kemiisto Fromm, kiu montris ke ĝi estas nesaturita alkoholo, kun molekula formulo C₁₀H₁₆, kiu per oksidado kun kalia permanganato donas la a-tujadukarboksilatan acidon, do enhavante du ciklaj strukturoj, la ciklopentana kaj ciklopropana.

Okaze de tiaj eksperimentoj la kemia strukturo de la a-tujadukarboksilata acido ne estis konata, kaj tiu eksperimento taŭgas por identigo de la sabinolo. Pli ampleksaj esploroj pri la oksidaj produktoj estis farita de Friedrich Wilhelm Semmler (1836-1931) kiu difinis la strukturon de la kemiaĵo.

La esenca oleo enhavanta sabinolon elmontriĝis kun malfortaj anti-mikrobaj kaj anti-oksidaj aktivecoj. Kvankam la tujila alkoholo malkomponiĝas per varmigado kun sulfata acido, ĝi estas stabila en malvarmo kaj tiurilate ĝi malsamas rilate al la sabinolo.