Sankta Francisko el Asizo

El Vikipedio, la libera enciklopedio
(Alidirektita el Sankta Francisko)
Salti al navigilo Salti al serĉilo
Sankta Francisko el Asizo
S.Francesco speco.jpg
Persona informo
Naskonomo Giovanni di Pietro di Bernardone [#]
Naskiĝo 26-a de septembro 1181
en Asizo
Morto 3-an de oktobro 1226 (1226-10-03)
en Portiuncula
Tombo Baziliko Sankta Francisko el Asizo [#]
Religio katolika eklezio [#]
Lingvoj latina lingvoitala lingvo [#]
Familio
Edz(in)o
Parencoj Klara el Asizo [#]
Profesio
Profesio religiulo • poeto • ordenfrato • verkisto • Romkatolika diakono [#]
Sanktulo, ordenfondinto
Festotago 4-a de oktobro
[#] Fonto: Vikidatumoj
v  d  r
Information icon.svg

Sankta Francisko el Asizo (aŭ de Assisi) (26-a de septembro 11813-a de oktobro 1226) estas unu el la plej famaj kristanaj sanktuloj kaj la fondinto de la religia ordeno franciskanoj, unu el la ĉefaj ordenoj de katolikismo. Sanfrancisko, la usona urbo en Kalifornio, estis tiel nomita honore al li. Li mortis la 3-an de oktobro 1226, kaj estis oficiale agnoskita kiel sanktulo de la Eklezio post nur du jaroj (kutime la proceso daŭras jarcentojn). La festotago de Sankta Francisko estas la 4-a de oktobro. Kardinalo Jorge Mario Bergoglio, elektita papo en 2013, estas la unua papo kun pontifika nomo Francisko. Li estis proklamita ĉefa patrono de Italio, kune kun sankta Katerina el Sieno, la 18-an de junio 1939 de papo Pio la 12-a. Inter la popolo li estas konata kiel “la malriĉulo el Asizo”. Lian tombon vizitas ĉiujare centoj da pilgrimantoj. Lia urbo iĝis simbolo de paco, ankaŭ ĉar ĝi gastigis kvar grandajn kunvenojn  inter la reprezentantoj de la plej gravaj religioj de la mondo, kiujn invitis papo Johano Paŭlo la 2-a en 1986 kaj en 2002, Papo Benedikto la 16-a en 2011 kaj papo Francisko en 2016. Sankta Francisko el Asizo estas unu el la sanktuloj plej popularaj kaj plej respektataj en la tuta mondo. Li havas gravan rolon ankaŭ en la historio de la mezepoka itala literaturo pro sia poemo La kantiko de la kreitaĵoj. En Esperanton ĝin tradukis K. Kalocsay. Honore al sankta Francisko spektaklo pri lia vivo "Francesco" estis ludita en Esperanto dum la IJK 1997 en Asizo.

Bibliografio[redakti | redakti fonton]

  • Chiara Frugoni, Francesco e le terre dei non cristiani, Edizioni Biblioteca Francescana, 2012, EAN 9788879621915

Biografio de Sankta Francisko en Esperanto[redakti | redakti fonton]

Memoro[redakti | redakti fonton]

Ĉe enirejo de la Minoritana preĝejo en Vieno (Aŭstrio) staras statuo de Sankta Francisko el Asizo, predikanta al ĉiaspecaj bestoj, kiuj aŭskulteme premiĝis al li[1].

Nomoj en diversaj lingvoj[redakti | redakti fonton]

(nederlande Franciscus van Assisi, germane Franz von Assisi, itale Francesco di Assisi, hispane Francisco de Asís, france François d'Assise, hungare Assisi Szent Ferenc, norvege Frans av Assisi, dane Frans af Assisi, rumane Francisc de Assisi, pole Franciszek z Asyżu, ĉeĥe František z Assisi, angle Francis of Assisi portugale Francisco de Assis)

Vidu ankaŭ[redakti | redakti fonton]

Eksteraj ligiloj[redakti | redakti fonton]

Referencoj[redakti | redakti fonton]

  1. Stanislavo Belov (2018-06-17)Vieno: morna preĝejo kaj bela promenejo (esperante). Blogger. Arkivita el la originalo je 2019-02-16. Alirita 2019-02-16.
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.