Santa Engracia
| Santa Engracia | |||
|---|---|---|---|
| loĝloko | |||
| Administrado | |||
| Demografio | |||
| Geografio | |||
| Geografia situo | 41° 59′ N, 1° 16′ U (mapo)41.985-1.2719444444444Koordinatoj: 41° 59′ N, 1° 16′ U (mapo) [+] | ||
| |||
| |||
|
| |||
Santa Engracia estas loĝloko apartenanta al la hispana municipo Tauste, situanta en la komarko Cinco Villas de la provinco Zaragozo, kies origino kuŝas en la laboro de la Nacia Instituto de Koloniigo (Instituto Nacional de Colonización). Ĝi estas je distanco de 54 km de Zaragozo, situanta je altitudo de 267 m. [1] [2]
Historio[redakti | redakti fonton]
Sankta Engracia estis la lasta koloniiga loĝloko konstruita en Aragono. Inter la jaroj 1971 kaj 1975, venis al ĝi 82 familioj, 23 el Navaro kaj el aragonaj provincoj Huesca kaj Zaragozo, el urboj kiel Boquiñeni, Buñuel, Cabañas de Ebro, Camino Real, Castejón de Valdejasa, Casetas, Cascajos, Cogullada, Lacorvilla, Ejea de los Caballeros, Erla, Fuentes de Ebro, Fustiñana, Gallur, Garrapinillos, Juslibol, Montañana, Novillas, Ontinar de Salz, Pedrola, Santa Isabel, Sobradiel kaj Tauste. En 1972 la cifero de 350 loĝantoj estis atingita. [3]
Alveninte al la urbeto, la loĝantoj renkontis gravajn malfacilaĵojn. La konstruado de Santa Engracia finiĝis en 1961, sed la domoj kaj ĝiaj korespondaj terenoj ne estis adjudikitaj, ĝis la irigacia sistemo ne funkciis. [4]
En 1972 la preĝejo estis inaŭgurita, en la plej alta parto de la urbo. En tiu sama jaro, la Santa Engracia Koopera Societo estis fondita, kiu provis faciligi la aĉeton de agrikultura materialo kaj la komunan vendadon de farmproduktoj. En 1974 la naĝejo kaj la piknikejo estis konstruitaj en la sama areo, plej proksime al la futbalkampo. [5]
En 1977 la estraro de loĝantoj kreis asocion de loĝantoj, kiu ne povis eviti la inkludon de Santa Engracia kiel Tauste-kvartalo, malgraŭ diversaj provoj havi sian propran urbodomon (fakte, ĝi havis konstruaĵon por ĝi). En 1982, la unuaj loĝantoj akiris la propraĵon de la domoj, en kie ili loĝis kaj la terenoj, kiujn ili kulturis, kaj 38 novaj dometoj estis konstruitaj en la areo plej proksima al la naĝejoj. En la fruaj jaroj de la 21-a jarcento, la vastiĝo de la urbo daŭris en tiu sama loko. [6]
Monumentoj[redakti | redakti fonton]
La preĝejo Sankta Engracia, monumento el la 20-a jarcento, estis inaŭgurita en 1972. Farita el kalkŝtono, ĝi estas de modernisma stilo, kvankam al ĝi ne mankas cikonia nesto. [7]
Estas menciinde[redakti | redakti fonton]
En 1974 Santa Engracia gajnis la unuan premion por Beligo de Urbaj kaj Kamparaj Nukleoj.
Festoj[redakti | redakti fonton]
- La unuaj lokaj festoj estis okazigitaj la 30-an de septembro 1972.
- Fine de julio en honoro de Sankta Engracia, ili estas festataj dum tri aŭ kvar tagoj. Dum tiuj festoj, kiuj estas tre partoprenataj, la loĝantoj de la urbo kaj la feriantoj eliras sur la stratojn, trinkas, dancas kaj toreas la bovidinojn. [7]
- En aprilo, ĉirkaŭ la datoj de la festo de Sankta Engracia, okazas ankaŭ komuna manĝo kaj kelkaj dancoj dum semajnfino.
Vidu ankaŭ[redakti | redakti fonton]
- Aragona regioneto Cinco Villas. [8]