Sekreta armita organizaĵo

El Vikipedio, la libera enciklopedio
Salti al navigilo Salti al serĉilo
Oas logo public.svg

La Sekreta armita organizaĵo - france Organisation Armée SecrèteOAS - estis ekstreme dekstra franca disidenta milicia organizaĵo dum la Milito de Alĝerio. La OAS faris teroristajn atakojn, inkluzive de bombadoj kaj atencoj, en provo malhelpi la sendependecon de Alĝerio de franca kolonia regado. Ĝia devizo estis "Alĝerio estas franca kaj restos tiel".

La OAS estis formita de ekzistantaj retoj, nomante sin "kontraŭ-teroristoj", "memdefendaj grupoj", aŭ "rezisto", kiuj faris atakojn kontraŭ la FLN (la alĝeria Fronto Liberiga Nacia) kaj siaj perceptitaj subtenantoj ekde frua fazo de la milito. Ĝi estis oficiale formita en Frankista Hispanio, en Madrido en januaro 1961, kiel respondo de kelkaj francaj politikistoj kaj francaj armeaj oficiroj al la referendumo de la 8-a de januaro 1961 pri memdeterminado koncerne Alĝerion, kiu estis organizita fare de prezidanto de Gaulle.

Per agoj de bombadoj kaj laŭcelaj atencoj en kaj ĉeflanda Francio kaj francaj alĝeriaj teritorioj, kiuj estas taksitaj esti rezultinta en 2 000 mortoj inter aprilo 1961 kaj aprilo 1962, la OAS provis malhelpi la alĝerian sendependecon. Tiu kampanjo kulminis per ondo de atakoj kiuj sekvis la Évian-Akordojn de marto 1962, kiuj donis sendependecon al Alĝerio, kaj en la aŭtobombo de Jean Bastien-Thiry en 1962 kontraŭ prezidanto de Gaulle en la pariza antaŭurbo Le Petit-Clamart. Alia elstara celo estis la ekzistadisma filozofo Jean-Paul Sartre, kiu subtenis la FLN.

La OAS ankoraŭ havas admirantojn en francaj naciismaj movadoj. En julio 2006, kelkaj OAS-subtenemuloj provis reŝalti la flamon de la Tombo de la Nekonata Soldato por festi la Oran-masakron la 5an de julio 1962.

Vidu ankaŭ[redakti | redakti fonton]