Claude Shannon

Claude Shannon
Persona informo
Claude Elwood Shannon
Naskiĝo	30-an de aprilo 1916 (1916-04-30) en Petoskey
Morto	24-an de februaro 2001 (2001-02-24) (84-jaraĝa) en Medford
Mortis pro	naturaj kialoj vd
Mortis per	Alzheimer-malsano vd
Tombo	tombejo Mount Auburn vd
Lingvoj	angla vd
Loĝloko	Gaylord vd
Ŝtataneco	Usono vd
Alma mater	Universitato de Miĉigano • Masaĉuseca Instituto de Teknologio • Gaylord High School vd
Familio
Edz(in)o	Betty Shannon • Norma Barzman vd
Profesio
Okupo	matematikisto • kriptologo • komputosciencisto • inventisto • universitata instruisto • inĝeniero • genetikisto vd
Laborkampo	probabloteorio • elektrotekniko • informteorio • kibernetiko • kriptologio vd
Doktoreca konsilisto	Frank Lauren Hitchcock • Vannevar Bush vd
Verkado
Verkoj	A Mathematical Theory of Communication ❦ A Symbolic Analysis of Relay and Switching Circuits ❦ teoremo pri specimenado ❦ Shannon's source coding theorem ❦ Noisy-channel coding theorem ❦ teoremo de Shannon-Hartley ❦ Shannon's expansion ❦ Q1615706 ❦ Shannon capacity of a graph ❦ informa entropio ❦ Shannon index ❦ Shannon multigraph ❦ nombro de Shannon ❦ Shannon switching game ❦ Shannon–Fano–Elias coding ❦ modelo de Shannon-Weaver ❦ Whittaker–Shannon interpolation formula ❦ Communication Theory of Secrecy Systems vd
Honorigoj Honorigoj Stuart Ballantine Medal • John Fritz Medal • Harold Pender Award • Premio Harvey • Honormedalo de IEEE • Nacia Medalo de Scienco • Josiah Willard Gibbs Lectureship • Nacia Inventista Halo de Famo • Claude E. Shannon Award • IEEE Morris N. Liebmann Memorial Award • Kiota Premio pri Bazaj Sciencoj • eksterlanda ano de la Reĝa Societo • Marconi Prize • Edwin Howard Armstrong Achievement Award vd
Membrecoj Membrecoj Usona Akademio de Artoj kaj Sciencoj • Reĝa Nederlanda Akademio de Artoj kaj Sciencoj • Leopoldina • Amerika Filozofia Societo • Usona Nacia Akademio de Sciencoj • Reĝa Societo de Londono vd
vd	Fonto: Vikidatumoj

Claude Elwood SHANNON (naskiĝis la 30-an de aprilo 1916, mortis la 24-an de februaro 2001) estis usona matematikisto, kiu estas ofte nomata la "patro de la informteorio".

Vivo

Li studis elektran inĝenierarton kaj matematikon ĉe la Universitato de Miĉigano en 1932. Li ĉeestis la Masaĉusecan Instituton de Teknologio, kie li ricevis magistran diplomon de elektronika inĝenierarto kaj doktoran diplomon de matematiko en 1940. En sia magistra tezo, Simbola Analizo de Relajsaj kaj Ŝaltaj Cirkvitoj, li uzis bulean algebron por analizi kaj optimumigi relajsajn ŝalt-cirkvitojn. Lia doktora tezo temis pri teoria genetiko.

Ĉe MIT, Shannon laboris pri la diferenciala analizilo, frua speco de meĥanika komputilo kreita de Vannevar BUSH por akiri nombrajn solvojn al ordinaraj diferencialaj ekvacioj.

Shannon eklaboris ĉe AT&T Bell Telephones en Nov-Ĵerzejo en 1941 kiel esplora matematikisto kaj restis ĉe la Laboratorio Bell ĝis 1972.

Shannon aperigis Matematika Teorio de Komunikado en 1948. Tiu referaĵo fondis la fakon de informteorio kun entropio. En ĝi li proponis sendi ne elektromagnetajn ondojn tra drato, sed fluon de 1-oj kaj 0-oj, kio ŝajnas memkomprenebla al ni nun, sed estis fundamente nova ideo tiutempe. En la referaĵo, kiu enkondukis la anglan vorton bit (en Esperanto: "bito") por la unua fojo, Shannon montris, ke per aldoni pliajn bitojn al signalo eblas rimarki aŭ eĉ korekti erarojn de sendado.

Alia rimarkinda referaĵo de Shannon estas Komunikada Teorio de Sekretaj Sistemoj (1949).

Shannon estis vizitanta profesoro de komunikada scienco kaj matematiko ĉe MIT en 1956. En 1957 li ricevis postenon en la fakultato tie.

Lia posta laboro esploris la ideojn de artefarita intelekto. Li elpensis programojn por ludi ŝakon kaj elektronikan muson, kiu povus solvi labirintajn problemojn. La ŝak-ludanta programo aperis en la referaĵo Programi komputilon por ludi ŝakon en 1950. Tiu propono kondukis al la unua ludo de la komputilo MANIAC ĉe Los Alamos en 1956. Tio estis la jaro, kiam Shannon aperigis referaĵon montrantan, ke universala maŝino turinga povas esti konstruita kun nur du statoj.

Shannon ricevis multajn honorojn pro lia laboro. Inter la longa listo de premioj estas la Usona Inĝeniera Premio de la Usona Instituto Alfred Nobel en 1940, la Nacia Medalo de Scienco (Usona) en 1966, kaj la Ora Medalo de la Son-Inĝeniera Societo en 1985.

Shannon estis fama por veturi per unuciklo.