Ŝonan Bellmare

Ŝonan Bellmare aŭ Shonan Bellmare (湘南ベルマーレ, latinliterigite Shōnan Berumāre), antaŭe nomita Bellmare Hiratsuka, estas profesia futbalteamo de Japanio, kies unua vira teamo nune ludas en la 1-a Japana Ligo. La oficiala hejmurbo de la teamo estas Hiratsuka, kaj la dua nomparto estas fantazia vortokunfando el la du italaj vortoj bello (bela) kaj mare (maro). Fondita en 1968, la klubo cetere ĝis la sezono 1993 havis malpli poezian nomon Fujita Industries, sed kiam la klubo en 1993 decidis aligi sian unuan viran teamon al la Japana Profesia Futbala Ligo, kiu estis fondita la antaŭan jaron kaj la teamo fakte ankaŭ tiam havintus la rajton partopreni ĝin, la klubanoj volis aparte festi kaj okaze de la aliĝo en la Japana Ligo elektis la aparte belan novan nomon.