La Barbiro de Siberio

La Barbiro de Siberio
; Le Barbier de Sibérie (franca DVD)
filmo
Originala titolo	Сибирский цирюльник
Produktadlando	Rusio; Francio; Italio; Ĉeĥio
Originala lingvo	rusa lingvo
Kina aperdato	1998
Daŭro	180 minutoj
Ĝenro	dramo
Buĝeto	40 milionoj da $
Reĝisoro(j)	Nikita Miĥalkov
Produktisto(j)	Nikita Miĥalkov; Michel Seydoux
Scenaro	Nikita Miĥalkov; Rustam Ibrahimbekov; Rospo Pallenberg
Filmita en	Ĉeĥio • Prago
Loko de rakonto	Rusio
Muziko de	Eduard Artemjev
Ĉefrolantoj	Oleg Menŝikov; Julia Ormond; Nikita Miĥalkov; Aleksej Petrenko; Richard Harris
Produktinta firmao	Studio Three T.; Camera One
Honorigoj	Ŝtata premio de Rusia Federacio
IMDb
	v • d • r

La Barbiro de Siberio (ruse Сибирский цирюльник) estas rusia filmo de Nikita Miĥalkov aperinta en 1998.

Temo[redakti | redakti fonton]

En 1885, freneza inventisto imagas arbo-hakilon, kiu povus esti solvo por la grandegaj arbaroj de Siberio. Por interesigi la Caron al la projekto, la inventisto uzas la ĉarmon de juna virino, kiu kontaktos generalon, komandanton de kadet-lernejo de la rusa armeo... Tio estas la komenco de terura am- kaj deport-rakonto, sur fono de enscenigo de La geedziĝo de Figaro, de Mozart, «granda komponisto».

Rakonto[redakti | redakti fonton]

En 1905, Jane Callaghan skribas leteron al sia filo, lernanto en usona milita lernejo. La usonanino decidiĝas riveli al li la verajn cirkonstancojn de lia naskiĝo.

En 1885, Jane estas en Rusio. Ŝi laboras por inĝeniero nomita McCraken, kiu provas vendi al rusoj arbo-hakilon, kiun li nomis «barbiro de Siberio». Jane devas ŝajnigi sin lia filino, kun misio logi aŭtoritatojn kaj estontajn klientojn. Tamen dum ŝia vojaĝo al Rusio, ŝi ekkonas junan militiston nomitan Andrej Tolstoj, pasiitan de muziko kaj ili iom post iom enamiĝas unu la alian. Sed Jane por sia misio devas logi generalon Radlov, kiu povas financi la konstruon de la maŝino. Jane sukcesas atingi sian celon ĉar la generalo enamiĝas al la juna usonanino kaj komisias al Tolstoj legi lian edziĝpeton sed la junulo plene enamiĝinta ne povas plenumi sian taskon kaj malkaŝas siajn sentimentojn. Tamen, dum prezentado en Opero en kiu li ludas, Andrej, ĵaluza, atakas la generalon, kiu akuzas lin pro murdoprovo. La kadeto estas sendita en karceron lasante Jane graveda. Ŝi priserĉos lin dum multaj jaroj kaj dek jarojn poste trafos lian domon, kie ŝi ekkomprenos, ke estas tro malfrue por revenigi lin.